Fédération luxembourgeoise de marche populaire
D'Fédération luxembourgeoise de marche populaire, gekierzt FLMP, ass den Daachverband vun den Organisatiounen, déi sech dem Wandere verschreiwen. Et ass eng sportlech, mä net kompetitiv Federatioun.
46 lëtzebuergesch Wanderveräiner si Member beim FLMP. Si organiséieren all Joer ronn 80 Wanderungen, un deenen am Schnëtt ronn 1.000 Wanderer deelhuelen.
D'Federatioun hirersäits ass Member vum Comité olympique et sportif luxembourgeois (COSL).
Zanter 1972 ass d'FLMP Member vum internationale Vollekssportverband IVV (däitsch: Internationaler Volkssportverband; franséisch: Fédération internationale des sports populaires, gekierzt FISP), deen 1968 zu Lindau vu Veräiner aus follgende Länner gegrënnt gouf: Däitschland, Schwäiz, Liechtenstein an Éisträich.