Europe (Kino)

Den Europe war e Kino op der Garerplaz an der Stad Lëtzebuerg. De Kinossall war am Gebai vum Hotel Eldorado integréiert. D'Gebai gouf vun den Architekten Arthur Thill an Armand Theisen entworf^[1].

Den 23. Dezember 1963 huet den Europe direkt nieft dem Eldorado seng Dieren opgemaach. Et war e flotte Sall mat 442 Plazen an enger Ariichtung fir 70 mm Filmer a Stereotoun ze spillen.

Den éischte Film de gewise gouf war dem David Lean säi Lawrence of Arabia a 70 mm mat dem Peter O'Toole an der Haaptroll. Direkt duerno koum en Dokumentarfilm a 70 mm an den Europe, de Flying Clipper - Traumreise unter weissen Segeln. Den Europe huet an enger éischter Zäit versicht, spektakulär Filmer ze weisen déi op deem deemools gréissten Ecran an der Stad gutt erauskoumen.

1983 ass nach e Kinossall bäigebaut ginn, deen awer ze kleng war. Den 18. November 1989 ass déi lescht Virstellung gelaf.^[2] Den Europe huet zougemaach a gouf kuerz duerno, zesumme mam Eldorado, ofgerappt, fir engem neie Bürosgebai Plaz ze maachen.

Literatur

Reuter, Martine: Ein historischer Rückblick - Die Kinos in der Hauptstadt an Ons Stad Nr. 87/2008, S. 30-34 (PDF)

Kuckt och

Lëscht vun de Lëtzebuerger Kinoen

Referenzen

↑ Christian Aschman, Joanna Grodecki, Robert L. Philippart Lëtzebuerg moderne: Liebeserklärung an die Hauptstadt Säit 209, Édition Maison Moderne, 2013, ISBN 978-99959-33-07-4
↑ Bibi Wintersdorf: Lëtzebuerg an den 80er Joren, S. 90

[1] Christian Aschman, Joanna Grodecki, Robert L. Philippart Lëtzebuerg moderne: Liebeserklärung an die Hauptstadt Säit 209, Édition Maison Moderne, 2013, ISBN 978-99959-33-07-4

[2] Bibi Wintersdorf: Lëtzebuerg an den 80er Joren, S. 90

[1]

[2]