Ernzen (Irrel)

Ernzen
Ernzen
Land	Däitschland
Bundesland	Rheinland-Pfalz
Krees	Béibreg-Prüm
Verbandsgemeng	Südeifel
Awunner	415 (31. Dezember 2023)
Fläch	999 ha
Héicht	310 m
Koordinaten	49° 50’ 30’’ N; 06° 25’ 32’’ O
Telefonszon	06525
Postcode	54668
Websäit	https://www.ernzen.net/

Dësen Artikel beschäftegt sech mat der Uertschaft Ernzen an der Verbandsgemeng Südeifel. Fir déi lëtzebuergesch Uertschaft, déi op Däitsch och Ernzen heescht, kuckt wgl. Iernzen.

Ernzen ass eng Uertsgemeng an der Verbandsgemeng Südeifel, am Äifelkrees Béibreg-Prüm a Rheinland-Pfalz. Se läit op der Südsäit vum Ferschweiler Plateau.

Geschicht

D'Geschicht vun Ernzen ass bis un d'Enn vum 18. Joerhonnert enk mam Klouschter Iechternach verbonnen. Eng éischt Kéier ass et als Arenza 895 an enger Charte ernimmt, mat där de loutrengesche Kinnek Zwentibold dem Iechternacher Klouschter de Besëtz vun der Uertschaft confirméiert huet. Dokumenter vu méi spéit schwätze vun Erneza (1148), Herense, Errensem an Ernszem.

1570 gouf eng Kapell an der Uertschaft als eng Filial vun Iechternach ernimmt. Se gouf 1613 restauréiert an 1808 nei opgebaut, andeems en Altor aus der Liboriuskapell, déi verfall war, do opgeriicht gouf. Ernzen war mat Ferschweiler, Prümzurlay a mat dem Laeisenhof eng vun de véier Meiereie vun der Propstei Iechternach, zu där och nach e puer Häff a Mille gehéiert hunn.

1848 hat d'Bürgermeisterei Ernzen 1612 Awunner.

Populatioun

1815 – 315
1835 – 614
1871 – 483
1905 – 527
1939 – 838
1950 – 563

1961 – 539
1965 – 553
1970 – 554
1975 – 498
1980 – 482
1985 – 467

1987 – 457
1990 – 440
1995 – 412
2000 – 390
2005 – 432
2007 – 450

Quell: Statistisches Landesamt Rheinland-Pfalz, all Kéier den 31. Dezember.

Kuckeswäertes

Den Ernzer Felsenweiher, e Kaarpeweier aus dem 19. Joerhonnert, haut eng idyllisch Plaz
E réimescht Monument aus dem 2. Jh. n. Chr.

Um Spaweck

Uertsgemeng Ernzen
Den Ernzer Fielseweier
Römisches Weihedenkmal (1) (2)