Elisabetha Hevelius

D'Elisabetha Catherina Koopmann Hevelius, gebuer am Joer 1647, a gestuerwen am Joer 1693, war eng däitsch Astronomin. Si war déi zweet Fra vum Béierbrauer, Astronom, Ratshär a Buergermeeschter vun Danzeg, Johannes Hevelius.

Elisabetha Hevelius
Gebuertsnumm	Catherina Elisabetha Koopman
Gebuer	17. Januar 1647 Gdańsk
Gestuerwen	22. Dezember 1693 Gdańsk
Aktivitéit	Astronom
Famill
Bestuet mat	Johannes Hevelius

Elisabetha Koopmann huet aus enger räicher Handelsfamill an der Hansestad Danzeg gestaamt. Hiert Bestietnes mam Hevelius am Joer 1663 hat et hir erlaabt, eegenen Interessen an der Astronomie nozegoen. Déi béid hunn en Observatoire bedriwwen an hunn e Katalog mat Himmelspositioune vu 1564 Stären zesummegestallt. Nom Doud vun hirem Mann am Joer 1687 huet d'Elisabetha dee Katalog fäerdeggemaach a 1690 publizéiert.

Si gëllt als éischt Fra, där hir Leeschtungen an der Astronomie unerkannt goufen. Si gëtt och Mamm vun de Mounddiagramme genannt.

Literatur

• Marilyn Bailey Ogilvie: Women in Science. The MIT Press, Cambridge, Mass., 1986, ISBN 0-262-15031-X
• Eric Walz: Die Sternjägerin. Historischer Roman. Blanvalet, München 2006, ISBN 978-3-442-36523-4

Kuckt och

Portal Astronomie

Um Spaweck

Commons: Elisabetha Hevelius – Biller, Videoen oder Audiodateien

• (en) Johann and Elizabeth Hevelius, astronomers of Danzig