D'Schatzritter an d'Geheimnis vum Melusina

D'Schatzritter an d'Geheimnis vum Melusina ass e Film vun der lëtzebuergescher Regisseurin Laura Schroeder, deen am Summer 2011 gedréint gouf. D'Première war de 4. Juli 2012 am Kino Utopolis um Kierchbierg, zwéin Deeg drop koum en an d'Kinoen.

D'Schatzritter an d'Geheimnis vum Melusina

Film
Produktiounsland	Lëtzebuerg Däitschland
Produktiounsjoer	2012
Première	30. August 2012
Dauer	~90
Faarf	Faarweg
Originalsprooch	Lëtzebuergesch
Ekipp
Regie	Laura Schroeder
Dréibuch	Martin Dolejs Stefan Schaller Oliver Kahl Eileen Byrne
Fotografie	Peter von Haller
Schnëtt	Uta Schmidt
Produzent	Lucil Film
Schauspiller
Anton Glas als Jeff Lana Welter als Julia Thierry Koob als Leo Tun Schon als Killer Alexandra Neldel als Melanie Clemens Schick als Duc de Barry Luc Feit als Michael Vicky Krieps als Marie Jean-François Wolff als Thüring
Filmportal - Filmer no Joren - Film no Länner - Film no Genre

An Däitschland, wou en an enger däitschsproocheger Versioun gelaf ass, hat de Film den 30. August Première.

Ëm wat geet et am Film?

De Jeff lieft mat sengem Papp op engem Camping um Fouss vun enger Buerg, déi dem Jeff sengem Papp gehéiert. Dee steet kuerz virdrun d'Buerg missen ze verkafen, dees, se géife séier Suen opdreiwen.

De Jeff huet keng Kolleege bei sech am Duerf, mä an der Summervakanz kommen dräi aner Kanner, de "Killer", de Leo an deem seng Schwëster, d'Julia op de Camping. Enges Daags fënnt de Jeff eraus, datt et dee legendäre Schatz vum Melusina wierklech gëtt. Wann en dee géif fannen, kéinte se d'Buerg halen. Zesumme mat deenen Dräi mécht e sech op eng abenteuerlech Schatzsich. Well si sinn net déi eenzeg, déi dee Schatz fanne wëllen...

Soss

De Film gouf ë. a. an engem Studio zu München an an den natierlechen Dekore vun der Stater Kathedral, de Kasematten, zu Esch-Sauer, zu Altwis, op der Branebuerger Buerg, an der Halsbech bei Bäerdref a bei der grousser Saarschleef gedréit.

E gouf vum Lëtzebuerger Filmfong ënnerstëtzt. Zu Lëtzebuerg hat de Film am Joer 2012 11.300 Spectateuren an de Kino gelackelt

En ass am Hierscht 2012 op DVD erauskomm.

Dréiplazen

• 
  d'Branebuerger Buerg
• 
  d'Stater Kathedral
• 
  d'Kasematten
• 
  D'Haalsbaach bei Bäerdref
• 
  d'Saarschleef

Kuckt och

• Lëscht vu lëtzebuergesche Filmer

Um Spaweck

• Offiziell Säit vum Film
• Offiziell Säit vun der Produktiounsfirma
• "Dies sind die Hauptdarsteller des Films" wort.lu, 21.07.2011 16:09.
• "Vacances devant la caméra." lequotidien.lu, 18.08.2011 11:08:00.
• De Film op der IMDb