Comblain-au-Pont

Dësen Artikel ass eréischt just eng Skizz. Wann Dir méi iwwer dëst Theema wësst, sidd Dir häerzlech invitéiert, aus dëse puer Sätz e richtegen Artikel ze schreiwen. Wann Dir beim Schreiwen Hëllef braucht, da luusst bis an d'FAQ eran.

Comblain-au-Pont op Wallounesch Comblin-å-Pont ass eng Uertschaft a Gemeng an der belscher Provënz Léck.

Comblain-au-Pont
Land	Belsch
Regioun	Wallounien
Communautéit	Franséisch Communautéit
Provënz	Léck
Arrondissement	Léck
Awunner	5.381 (1 Januar 2018)
Fläch	2268
Koordinaten	50° 28’ 30’’ N       05° 34’ 29’’ O
Telefonszon	04
Postcode	4170
Websäit	http://www.comblainaupont.be

Zu der Gemeng gehéieren d'Sektioun Poulseur an d'Uerschaften Géromont, Halleux, Hoyemont, Mont, Oneux, Pont-de-Scay a Sart.

Geschichtleches

Zu der industrieller Aktivitéit um Territoire vun der Gemeng huet d'Exploitatioun vu Steebréch gehéiert. Déi bekanntst an och déi gréisst Steekaul waren d'Carrières du Bois d'Anthines där hir Verluedequaien haut nach laanscht N 633 ze gesi sinn. Déi Carrièren haten deemools en Uschloss un dat belscht Eisebunnsnetz zu Chanxhe op der Infrabel-Linn 43. Den Uschloss huet der Gesellschaft vun der Vizinalstreck Poulseur-Sprimont-Trooz gehéiert.

D'Gare vu Comblain déi op der Linn 43 läit ass net méi a Betrib.

Fréier huet Complain mat Poulseur zu der Grofschaft Logne am Fürstentum Stavelot-Malmedy gehéiert.

De Patréiner ass den hellege Quirinus deen zanter dem 15. Joerhonnert um Sigel vun der Gemeng ass. Dat kënnt dohier, well de Kapitel vu Malmédy d'Grondrechter vun der Uertschaft hat an den hellege Quirinus deem säi Patréiner war. E Sigel aus dem 17. Joerhonnert weist den Hellege wéi en een Draach néiermécht.

Kuckeswäertes an der Gemeng

• Dat aalt Paschtoueschhaus an deem haut de Musée du Pays d'Ourthe-Amblève dran ass.
• D'Maison du Peuple zu Poulseur
• Den Tuerm Reinarstein
• D'Reserve naturelle Les Roches noires
• De Chession
• Den Thier Pirard
• Les Tartines

Um Spaweck

Commons: Comblain-au-Pont – Biller, Videoen oder Audiodateien