Chloroform

Chloroform
Systemateschen Numm (IUPAC)	Chloroform
Trivialen Numm	Chloroform, Trichlormethan, TCM
Cheemesch Formel	CHCl3
Ausgesinn / Geroch	Faarflos Flëssegkeet, staarke Geroch
Eegenschaften
Dicht	1,483 g/cm3
Léislechkeet	8,2 g/l bei 20 °C (am Waasser)
Agregatzoustand	flësseg
Molmass	119,38 g/mol
Schmëlzpunkt	-63.5 °C
Kachpunkt	61.2 °C
Dampdrock	213 hPa (20 °C)
Thermodynamesch Daten
Standard Formatiounsenthalpie ΔfH0	–134.3 KJ·mol−1
Verbrennungsenthalpie ΔcH0	-473.2 KJ·mol−1
Weideres
Änlech Moleküllen	Monochloromethan Dichloromethan Tetrachloromethan
Cheemesch Famill	Chlorkuelewaasserstoffer

Chloroform oder Trichloromethan ass e chloréierte Kuelewaasserstoff mat der Formel CHCl₃. Et ass ee vun de véier chloréierten Derivatsprodukter vum Methan.

Physikalesch Eegenschaften

Chloroform ass eng flüchteg a beweeglech Flëssegkeet. Si huet en agreabele Geroch a e brennende, séissleche Geschmaach. En ass léislech an organesche Léisungsmëttel wéi zum Beispill Alkohol, Ether an e bëssen am Waasser.

Cheemesch Eegenschaften

Chloroform ass net brennbar. Wann en der Loft an dem Liicht ausgesat ass, oxydéiert Chloroform lues a lues zu deenen héichgëftege Substanze Chlor a Phosgen. Fir dës graduell Oxydatioun ze stoppen a de Phosgen, den entstanen ass, ze zersetzen, enthält Chloroform ëmmer 1 bis 2 % Alkohol.

Hierstellung

Chloroform gëtt duerch d'Substitutioun vum Waasserstoff duerch Chlor aus Dichloromethan hiergestallt.

$\mathrm {CH_{2}Cl_{2}+Cl_{2}\longrightarrow CHCl_{3}+HCl}$

Uwendung

Fréier gouf Chloroform als Narkosemëttel duerch Anotme vun den Dämp benotzt. Mä en ass mëttlerweil duerch aner Produkter ersat ginn, well e gëfteg a geféierlech ass. Chloroform gëtt awer nach als Léisungsmëttel gebraucht. E soll a loftdichte Behälter gelagert ginn a vu Liicht an Temperaturen vu méi wéi 30 °C geschützt ginn.

Auswierkungen op d'Gesondheet

Et soll een den direkte Kontakt mat Chloroform vermeiden, well en d'Haut an d'Schläimhaut reizt an iwwer d'Haut an de Kierper gelaangt a den Organismus vergëft.

Literatur

• Martindale, The Extra Pharmacopoeia, Thirtieth Edition

Um Spaweck

• http://www.seilnacht.com/Lexikon/halkw.html

Commons: Chloroform – Biller, Videoen oder Audiodateien