Chittagong

Chittagong
Vue op Chittagong
Land	Bangladesch
Verwaltungseenheet:	Distrikt Chittagong
Koordinaten	22° 20’ 51’’ N 91° 48’ 44’’ O
Fläch	168,07 km²
Awunnerzuel:	2.581.643 (2011)
Héicht:	m
Websäit	http://www.ccc.org.bd

Chittagong (op Chittagonesch a Bengali: চট্টগ্রাম, Chôţţogram) ass den Haapthafen an déi zweetgréisst Stad am Bangladesch. Si läit um Karnaphuli-Floss a beim Golf vu Bengalen an huet iwwer fënnef Milliounen Awunner.

Zanter dem 9. Joerhonnert ass Chittagong eng Handelsplaz déi sech duerch eng räich Geschicht mat islameschen, hindu a buddhisteschen Aflëss auszeechent. Déi modern Stad gouf wärend der brittescher Kolonialzäit als Handelsplattform fir ënner anerem Téi a Pëtrol ausgebaut. Gläichzäiteg huet Chittagong eng zentral Roll an der Resistenz géint déi brittesch Kolonialmuecht gespillt. Och am zweete Weltkrich war d'Stad eng wichteg Militärbasis a Verfleegungsplaz fir déi Alliéiert wärend dem Burmafeldzug géint Japan. No der Deelung vun Indien 1947 ass Chittagong en Deel vun Ost-Pakistan ginn. 1971 huet sech Ost-Pakistan géint dem West-Pakistan säi Refus rebelléiert, d'Resultater vun den demokratesche Walen unz'erkennen, an d'Onofhängegkeet vun Ost-Pakistan (Bangladesch) gouf am selwechte Joer zu Chittagong erkläert. Als Konsequenz war d'Stad wéi de Rescht vum Land wärend dem Befreiungskrich Zeie vun enger Séiblockad a vu schlëmme Massaker duerch d'pakistanesch Arméi.

Haut ass Chittagong eng vun de Stied op der Welt déi am séierste wuessen an huet sech als wichtege Wirtschafts- an Industriezentrum an der Regioun entwéckelt. Well d'Stad dobäi ass, riseg Infrastrukturprojeten ëmzesetzen, dorënner e Séihafen, hunn d'Nopeschlänner Indien a China Chittagong als regional Transitplattform am A. Den Hafe gëtt als entscheedend fir d'wirtschaftlech Entwécklung vum bannenzegen Asien ugesinn, dorënner Nordostindien, Bhutan, Nepal an Deeler vu Südchina.

Fotoen Änneren

Distriktverwaltung
Zaldotekierfecht
Baizid Bostami Schräin
Moschee
Quartier Agrabad