Cécile Wagner
D'Cécile Wagner, gebuer de 4. September 1911 zu Diddeleng, an do gestuerwen de 14. Februar 2005, war eng lëtzebuergesch Fraerechtlerin an LSAP-Politikerin.[1]
| Cécile Wagner | |
|---|---|
| Gebuer |
4. September 1911 Diddeleng |
| Gestuerwen |
14. Februar 2005 Diddeleng |
| Nationalitéit | Lëtzebuerg |
| Aktivitéit | Politiker, Fraerechtler |
| Partei | LSAP |
| Member vun | Foyer de la Femme |
| Famill | |
| Bestuet mat | Nicolas Biever |
 | |
1965 gouf d'Cécile Wagner Presidentin vum Foyer de la femme a vum Office social vun der Gemeng Diddeleng. Si huet an den 1960er-Joren um Treffe vun der sozialistescher Fraeninternationaler deelgeholl.
1969 setzt si sech bei de Gemengewalen eng éischt Kéier fir d'LSAP zu Diddeleng op a gëtt an de Gemengerot gewielt. Tëscht 1970 an 1975 war si déi éischt weiblech Conseillère zu Diddeleng.
Si huet sech och bei de Femmes socialistes engagéiert a war am Comité vum Foyer de la femme.
Si gouf den 31. Mee 1930 mam Nicolas Biever bestuet.[2]
No hir genannt
ännerenAm Kader vum internationale Fraendag 2019 huet d'Gemeng Diddeleng am Quartier Lenkeschléi fënnef Stroossen an eng Plaz no Diddelenger Frae genannt, déi an hirer Zäit Virreiderinne waren a sech no hire politeschen, privaten oder berufflechen Iwwerzeegungen engagéiert hunn. Dorënner d'Place Cécile Biever-Wagner an Erënnerung un d'Cécile Wagner[3].
Literatur
änneren- Anne Julie Heintz, Düdelingen entdeckt seine weibliche Seite op wort.lu den 8. Mäerz 2019 an an der Drockversioun vum Luxemburger Wort vum 9. / 10. Mäerz 2019, S. 40-41, ënnert dem Titel Starke Frauen, starke Geschichten.
Referenzen an Notten
änneren- ↑ (fr)Les rues au féminin, Place Cécile Biever-Wagner - Sud. Les rues au féminin. Gekuckt de(n) 27.04.2024.
- ↑ (de)Lokalneuigkeiten. viewer.eluxemburgensia.lu 3. Escher Tageblatt (2. Juni 1930). Gekuckt de(n) 27.04.2024.
- ↑ Quell wou net anescht uginn: Anne Julie Heintz an der Literatur