Bilharz (Moundkrater)
Moundkrater
De Bilharz ass en Aschlagkrater op der viischter Moundsäit. Hie läit am ëstlechen Deel vum Mare Fecunditatis, nordwestlech vum opfalende Krater Langrenus. Et ass de gréisste Krater vun enger Dräiergrupp, déi hie mam Atwood am Osten an dem Naonobu am Nordoste mécht. Si goufe fréier als Satellittekrater vum Langrenus ugesin.
.png) De Moundkrater Bilharz | |
| Koordinaten | 5°49'48"S, 56°20'24"O |
|---|---|
| Duerchmiesser | 44,55 km |
| Déift | onbekannt |
| Selenographesch Längt | 304° bei Sonnenopgank |
| Genannt am Joer | 1976 |
| Moundvéiereck | LQ21 |
Dat Bannenzegt vum Bilharz gouf vu basaltescher Lava iwwerschwemmt, déi e flaache Kraterbuedem mat kenge weidere Markéierungen ausser e puer Mikrokrater zeréckgelooss hat. Ee zentrale Bierg oder Hiwwel feelt. De Kraterrand ass kreesfërmeg a weist nëmme liicht Erosiounsspueren.
De Krater gouf als Langrenus F bezeechent, ier hien am Joer 1976 vun der IAU säin aktuelle Numm krut.
