Betribssystem

Computer n screen.svg Dësen Informatiksartikel ass eréischt just eng Skizz. Wann Dir méi iwwer dëst Theema wësst, sidd Dir häerzlech invitéiert, aus dëse puer Sätz e richtegen Artikel ze schreiwen. Wann Dir beim Schreiwen Hëllef braucht, da luusst bis an d'FAQ eran.

E Betribssystem ass d'Software, déi de Gebrauch (Betrib) vun engem Computer méiglech mécht. Et verwalt d'Betribsmëttel wéi Späicher, d'Apparate fir Donnéeën an- oder auszeginn a steiert d'Ausféierung vu Programmer.

Dës Grafik weist den Zesummenhang tëscht dem Betribssystem, der Hardware, der Uwendungssoftware an dem Benotzer

Betribssystem heescht op Englesch operating system (OS). Dësen engleschen Ausdrock kennzeechent och säi Sënn an Zweck. Betribssysteme bestinn an der Reegel aus engem Kär (englesch: Kernel), deen d'Hardware vum Computer verwalt, an och aus fundamentale Systemprogrammen, déi zum Start vum Betribssystem a zu senger Konfiguratioun noutwenneg si. Eng Differenz gëtt gemaach bei Eenzelbenotzer- a Méibenotzersystemen.

Den am wäitverbreetste Betribssystem fir Desktopcomputer fir en allgemenge Public ass Microsoft Windows, mat engem Maartundeel vu ronn 73% am Juli 2021. Duerno kënnt de Mac OS vun Apple mat 15%.[1] Donieft ginn et och nach fräi Betribssystemer wéi Linux, Ubuntu oder Darwin.

E mobille Betribssystem ass e Betribssystem, deen op engem mobillen Apparat funktionéiert, wéi zum Beispill engem Smartphone, engem Tablet, enger Smartwatch oder Smart Speaker (Lautsprecher, déi mam Internet verbonne sinn). Wärend e Computer wéi e Laptop typesch och "mobil" ass, gëtt de Betribssystem dorop net als mobil ugesinn, well en ursprénglech fir den Desktopcomputer entwéckelt gouf, dee an der Vergaangenheet keng spezifesch mobill Funktiounen hat oder néideg hat. Deen Ënnerscheed gëtt méi a méi verschwommen mat den neie Betribssystemer, déi eng Tëscheform fir béid Zwecker duerstellen. Déi geleefegst mobil Betribssystemer sinn Android an iOS.

Kuckt ochÄnneren

Um SpaweckÄnneren

Commons: Betribssystemen – Biller, Videoen oder Audiodateien

ReferenzenÄnneren

  1. gs.statcounter.com: Desktop Operating System Market Share Worldwide | July 2020 - July 2021 (gekuckt de 17. August 2021)