Leschte Kommentar: viru(n) 2 Méint2 Kommentaren2 Leit an der Diskussioun
Moien, Dir hutt eng Rëtsch Associatiounen op d'Säit Kategorie:Veräiner an Organismen zu Lëtzebuerg derbäigesat. Déi goufen do nees geläscht. De Grond ass, dass Kategorien ënnen op den eenzele Säite vun engem (existéierenden) Artikel bäigesat ginn. All Kategorien, déi d'selwescht sinn, ginn dann automatesch op der Säit "Kategorie: xyz ugewisen. An anere Wierder: Et ass eng technesch Hëllefsäit, wou Existéierendes gruppéiert ugewise gëtt, net, fir nei, eegen Opzielungen ze maachen.
Ech hunn déi Associatiounen, déi Der bäigesat hutt, op enger Ënnersäit vun Ärer Usersäit kopéiert Benotzer:Reuter jerome/Associatiounen. Wann Der en Artikel zu enger oder méi vun deenen Associatioune schreift, an dann ënnenhin déi genannte Kategorie derbäisetzt, daucht deen dann och op der Kategoriesäit op.
Villmools Merci fir Äert Intressi un der Wikipedia! Mir schaffen hei zesummen dorun, eng fräi zougänglech, gratis, neutral a méiglechst ausféierlech Enzyklopedie a Lëtzebuerger Sprooch op d'Been ze setzen. All Mataarbecht ass wëllkomm, déi dëst Zil méi no bréngt: sief dat, en Tippfeeler ze verbesseren, eng Informatioun dobäizesetzen oder z'aktualiséieren, oder carrement en neien Artikel ze schreiwen!
Fir datt d'Artikelen e Minimum un Eenheetlechkeet hunn, an och, fir Krittären ze hunn, wat heihi gehéiert a wat net, hu mer eis eng Rëtsch Reegelen oder Konventioune ginn. Wann Dir hei ganz nei sidd, huelt Iech wgl. een Ament Zäit, fir hei drënner ze liesen, wéi een déi éischt Schrëtt mécht. Loosst Iech awer net doduerch ofschrecken: et ass manner komplizéiert, wéi et op den éischte Bléck ausgesäit! Aner Mataarbechter paken och am Ufank gär eng Hand mat un, wat Formatéierungen oder Zweiwele mat der Orthographie ubelaangt. Et gëtt keen hei gestengegt, wann e sech iert ;-) Déi wichtegst "Reegel" ass: "Sief kéng!"
Dës Säit ass Är perséinlech Diskussiounssäit. All Mataarbechter huet sou eng, an et ass d'Plaz, fir Messagë vun anere Mataarbechter ze kréien, resp. ze hannerloossen. Wëllt Dir engem anere Mataarbechter schreiwen, maacht dat op senger Diskussiounssäit, an ënnerschreift mat 4 Tilden (sou: ~~~~) oder klickt op e Knäppche wéi deen hei: . Ofgeschéckt gëtt da mam Klicken op "Säit späicheren". Vill Spaass, an op eng gutt Zesummenaarbecht!
