Barthélemy Foehr
De Barthélemy (Bartholomaeus) Foehr (Föhr), gebuer den 3. Dezember 1773 zu Iechternach, an do gestuerwen de 27. Dezember 1855, war e lëtzebuergesche Gierwer, Proprietär a Gemengepolitiker.[1]
| Barthélemy Foehr | |
|---|---|
| Gebuer | 3. Dezember 1773 |
| Gestuerwen | 27. Dezember 1855 |
| Nationalitéit | Lëtzebuerg |
| Aktivitéit | Politiker |
| Famill | |
| Kanner | Jean Pierre Foehr, Jean Mathias Foehr |
 | |
Hie war Buergermeeschter vun Iechternach vum 10. Mäerz 1819[2] bis den 8. Januar 1820, a vum 2. Januar 1822[2] bis den 1. Januar 1823.[1]
De Barthélemy Foehr war de Fils vum Balthasar Foehr an der Lucie Bernard(y). Am Joer 1806 huet hie sech mat der Lucie Wagener (Wagner) bestuet.[1] D'Koppel huet op der Maartplaz, Eck Lëtzebuerger Strooss, gewunnt an hat véier Kanner:[3]
- A. Marie (* 27. 2. 1810), bestuet de 14. Januar 1835 mam Charles Bech (1. Bestietnes), Gierwer vu Gréiwemaacher;
- Christine (*10. 11. 1820), bestuet den 8. Januar 1840 mam Charles Bech (2. Bestietnes); si waren d'Grousseltere vum Staatsminister Jos Bech;
- Jean Mathias (*2. 3. 1819), Gierwer, Deputéierten, Buergermeeschter vun Iechternach;
- Jean Pierre (*11. 5. 1824), Jurist, Magistrat, Chamberspresident an Diplomat.
Referenzen
änneren- ↑ 1,0 1,1 1,2 Liste des maires respectivement bourgmestres de la ville d'Echternach. Archives de la Ville d'Echternach.
- ↑ 2,0 2,1 Datum vun der Nominatioun laut der Liste des maires respectivement bourgmestres de la ville d'Echternach. Archives de la Ville d'Echternach.
- ↑ Staud, R.M. & J. Reuter, 1952. Die kirchlichen Kunstdenkmäler der Stadt Echternach. St. Paulus Druckerei, Luxemburg, S. 62-63.