Andy Felten

Dëse Museksartikel ass eréischt just eng Skizz. Wann Dir méi iwwer dëst Theema wësst, sidd Dir häerzlech invitéiert, aus dëse puer Sätz e richtegen Artikel ze schreiwen. Wann Dir beim Schreiwen Hëllef braucht, da luusst bis an d'FAQ eran.

Den Andy Felten, gebuer den 12. Juli 1912 an der Stad Lëtzebuerg, an och do den 10. Abrëll 1984 gestuerwen, war e lëtzebuergesche Klarinettist, Flüttist, Saxophonist, Arrangeur a Komponist.

Andy Felten
Pseudonym	Andy Fulton
Gebuer	12. Juli 1912 Lëtzebuerg
Gestuerwen	10. Abrëll 1984 Lëtzebuerg
Nationalitéit	Lëtzebuerg
Aktivitéit	Klarinettist, Flüttist, Saxophonist, Arrangeur, Komponist

Säi Repertoire goung vum amerikanesche Swingjazz iwwer Wiener a südamerikanesch Musek bis zu aktuelle Stiler vun der Ënnerhalungsmusek. Fir méi amerikanesch eriwwer zekommen, huet hie sech zäitweis och Andy Fulton genannt.

1926 mécht hie säin Debut als Beruffsmuseker am Josy Thoma senger Band The Big Six. 1928 grënnt hie seng eegen Jazzband, 'The Hot Boys Band. An den 1930er Jore spillt hien als Beruffsmuseker am éischte Radio-Ënnerhalungsorchester zu Lëtzebuerg, an der 'Ferry Jusa Band'. Enn der 1930er Jore stellt hie säi Quartett zesummen, mat Museker wéi René Schmitt (Gei, Kontrabass), Fred Gehlen (Saxophon, Klarinett) a Batty Nuss (Batterie). Hie spillt reegelméisseg an de bekannte Stater Etablissementer wéi Apollo oder Pôle Nord. An den éischten Nokrichsjore feiert hie grouss Erfolleger mat verschiddenen Ensembelen, an deene Museker wéi Johnny Glesener (Piano), Theo Makowsky (Batterie), Fred Gehlen (Saxophon, Klarinett) an Tommy Dallimore (Trompett) matspillen.

1960 verléiert hien ënnert trageschen Ëmstänn säi Bouf a seng Fra bei engem Autosaccident an der Belsch.

Kuckt och

• Lëscht vu lëtzebuergesche Museker

Quell

• Spautz, Roger: Luxemburgs Pioniere der leichten Muse RTL Edition, Luxembourg 1983