Andrus Ansip
Den Andrus Ansip, gebuer den 1. Oktober 1956 zu Tartu, ass en estesche Politiker an zanter dem 1. November 2014 Member a Vizepresident an der Europäescher Kommissioun ënner der Presidence vum Jean-Claude Juncker, responsabel fir den Digitale Maart.
| Andrus Ansip | |
|---|---|
.jpg) | |
| Gebuer | 1. Oktober 1956 |
| Nationalitéit | Estland |
| Educatioun |
Universitéit vun Tartu, York University |
| Aktivitéit | Politiker, Chimist, Entreprener, Geschäftspersoun |
| Partei | Kommunistesch Partei vun der Sowjetunioun |
 | |
Hie war vum 13. Abrëll 2005 bis den 3. Mäerz 2014 Premierminister an Estland an zanter 2004 President vun der Reformpartei (Reformierakond). 2007 an 2011 gouf hine a senger Funktioun als Premier confirméiert.
Virdru war hien ënner dem Premier Juhan Parts, sengem Virgänger, vun 2004 bis 2005 Minister fir Ekonomie a Kommunikatioun. 2014 ass hien zeréckgetrueden, nodeem eng vun de Koalitiounsparteien an der Regierung duerch eng aner ersat gi war.
Den Ansip ass vun Haus aus e Cheemiker. Vun 1998 bis 2004 war hie Buergermeeschter vu senger Heemechtsstad Tartu. Virun 1991 war hien e prominente Member vun der kommunistescher Partei zu Tartu.
Um Spaweck
änneren| Commons: Andrus Ansip – Biller, Videoen oder Audiodateien |
