Amalfi

Amalfi ass eng Uertschaft vu 5.480 Awunner (2005) an Italien, an der Provënz Salerno, an der Regioun Kampanien.

Amalfi
Land	Italien
Regioun	Kampanien
Provënz	Salerno
Koordinaten	40°38'0"N, 14°36'10"O
Fläch	5,7 km²
Awunner	4.729 (1. Januar 2023)
Héicht	6 m
ISTAT	065006

Amalfi, vum Mier aus gesinn

Den Doum vun Amalfi

Geographie

Amalfi läit un der berüümter Amalfiküst am Golf vu Salerno, ongeféier 20 km westlech vu Salerno an 30 km südlech vun Neapel. Amalfi an d'Nopeschuertschafte sinn ageschloss vu géie Bierger, soudatt dës Uertschafte schwéier vum Land aus zougänglech sinn.

Nopeschgemengen

• Atrani
• Ravello
• Positano

Amalfi an all dës Nopeschuertschaften zéie vill Touristen un. Wonnerbar schéin ass den Ubléck vun dëser Küstesträif, vum Mier aus.

Geschicht

Well d'Akerland rar war, waren d'Aktivitéite vun den Awunner vun Amalfi scho fréi op d'Mier an domat op de Séihandel ausgeriicht.

Kuckeswäertes

• Doum (an deem d'Iwwerreschter vum Apostel Andreas leien)
• al Schëffswerft
• Denkmal vum Flavio Gioia, deen, wéi et heescht, de Kompass erfonnt huet.
• Pabeiermusée

Amalfi-Präis

De staark appréciéierte Premio Amalfi fir Soziologie a Sozialwëssenschafte gëtt all Joer zu Amalfi verginn.

Um Spaweck

Commons: Amalfi – Biller, Videoen oder Audiodateien

• Offiziell Säit vun der Gemeng (it)
• Informatiounen iwwer Amalfi mat Fotoen (de) (en) (it)