Alphabet

Dësen Artikel beschäftegt sech mat dem Alphabet an der Sproochwëssenschaft. Fir aner Bedeitungen, kuckt wgl. Alphabet (Homonymie).

D'Alphabet (aalgr. ἀλφάβητος alphábētos) ass eng Zuel vun Zeechen, fir Wierder vun enger Sprooch schrëftlech duerzestellen. D'Reiefolleg vun de Buschtawen, déi am Alphabet festgeluecht gouf, erlaabt et Wierder an Nimm, zum Beispill an Dictionnairen, alphabetesch ze zortéieren.

Majuskelen a Minuskelen am laténgeschen Alphabet

Den Numm Alphabet kënnt vun den zwéin éischte Buschtawe vum griichesche Schreifsystem: Alpha – α, Beta – β. Op Basis vun den éischten dräi Buschtawe vun „eisem“ Alphabet (respektiv vum laténgeschen Alphabet) gëtt och alt emol Abc gesot.

Dat modernt laténgescht Alphabet huet follgend 26 Zeechen:

Positioun	1	2	3	4	5	6	7	8	9	10	11	12	13	14	15	16	17	18	19	20	21	22	23	24	25	26
Grouss Buschtawen	A	B	C	D	E	F	G	H	I	J	K	L	M	N	O	P	Q	R	S	T	U	V	W	X	Y	Z
Kleng Buschtawen	a	b	c	d	e	f	g	h	i	j	k	l	m	n	o	p	q	r	s	t	u	v	w	x	y	z
Aussprooch	​[a]	[be]	[t͡se]	[de]	[e]	[æf]	[ɡe]	[ha]	[i]	[jot]	[ka]	[æl]	[æm]	[æn]	[o]	[pe]	[ku]	[ɛʁ]	[æs]	[te]	[u]	[faʊ]	[ve]	[iks]	[iɡʁæk]	[t͡sæt]

D'Nimm vun de Buschtawe si lännerspezifesch. Sou kënnen a verschiddene Sproochen nach dat eent oder anert Zeechen derbäikommen, wéi z. B. d'Buschtawe fir Ëmlauten oder Betounungen ze schreiwen oder ze markéieren.

E puer Beispiller:

Sonnerbuschtawen

Am Däitschen:	Ä	Ö	Ü	ẞ
	ä	ö	ü	ß
Am Franséischen:	À	Ç	É	È	Ê	Î
	à	ç	é	è	ê	î
Am Lëtzebuergeschen:	Ä	Ë
	ä	ë
Am Spueneschen:	Ñ	Ó
	ñ	ó

Kuckt och

• Diakritescht Zeechen
• Griichescht Alphabet
• Kyrillescht Alphabet
• Laténgescht Alphabet
• Lëtzebuergescht Alphabet

Um Spaweck

Commons: Alphabeter – Biller, Videoen oder Audiodateien