Albi

Albi ass eng franséisch Uertschaft a Gemeng, an d'Prefektur vum Departement Tarn an der Regioun Occitanie. Et huet knapps 50.000 Awunner (80.000 mat der Agglomeratioun) an ass de Sëtz vun engem Äerzbistum.

Albi
Vue iwwer den Tarn op d'Alstad Vue iwwer den Tarn op d'Alstad
Land	Frankräich
Regioun	Occitanie
Departement	Tarn (Prefektur)
Arrondissement	Albi
Kanton	4 Kantonen
Postcode	81000
Gemengecode	81004
Koordinaten	43° 55’ 41’’ N       02° 08’ 45’’ O
Fläch	4 426 ha
Bevëlkerung	49 531 (2014)

2010 gouf den Ensembel vu Gebaier ronderëm d'Kathedral an de Bëschofssëtz (Cité épiscopale) vun der Unesco an d'Lëscht vun de Weltkulturierwen opgeholl.

Albi läit um Floss Tarn, eng 80 Kilometer nordëstlech vun Toulouse.

Geschicht

Schonns zur Réimerzäit gouf et eng Stad déi Civitas Albiensium housch. 843 huet de Charel de Plakkapp d'Herrschaft iwwerholl.

D'Katharer, eng reliéis Communautéit, déi am Mëttelalter schwéier verfollegt gouf, gëtt och nach, no Albi, Albigenser genannt. 1209 an 1229 gouf Albi dowéinst bal ganz zerstéiert.

1678 gouf d'Stad Sëtz vun engem Äerzbëschof, 1790 d'Prefektur vum Departement Tarn.

Kuckeswäertes

• D'Cité épiscopale an der historescher Alstad, mat der Kathedral Sainte-Cécile, der Kierch Saint-Salvi an dem Palais de la Berbie (Bëschofspalais).
• De Musée Toulouse-Lautrec am Bëschofspalais (den Toulouse-Lautrec gouf zu Albi gebuer).

Galerie

• 
  D'Cité épiscopale
• 
  Kierchtuerm vun der Kathedral Sainte-Cécile
• 
  Kathedral Sainte-Cécile, Südsäit
• 
  De Pont Vieux
• 
  Gaart vum Palais de la Berbie

Literatur

• Nicolas-Marie-Joseph Chapuy: Cathédrales françaises. Vues pittoresques de la cathédrale de Albi. Paris 1829 (Digitalisat)

Kuckt och

• Departement Tarn
• Arrondissementer am Departement Tarn
• Kantonen am Departement Tarn
• Lëscht vun de Gemengen am Departement Tarn

Um Spaweck

Commons: Albi – Biller, Videoen oder Audiodateien

• Stad Albi
• De Musée Toulouse-Lautrec d'Albi