Aire de Pontpierre

Aire de Pontpierre ass den Numm vun enger Koppel Raschtplaze mat Bensinnsstatioun op der lëtzebuergescher Autobunn A4, an der Géigend vun der Uertschaft Steebrécken an der Gemeng Monnerech.

Steebrécken-Nord

D'Total-Statioun zu Steebrécken-Nord…

Geographesch Koordinaten:

49° 32’ 55.5’’ N 06° 02’ 41.6’’ O

D'Raschtplaz Steebrécken-Nord ((fr) Aire de Pontpierre-Nord) läit ongeféier um KP 8,20 tëscht der Opfaart Leideleng-Süd (N° 2) an der Ausfaart Steebrécken (N° 3) an der Richtung fir op Esch-Uelzecht. D'Bensinnsstatioun gëtt vun TotalEnergies exploitéiert a se huet 12 Pompele fir Autoen an der 10 fir schwéier Gefierer. Op der Raschtplaz gëtt et kee Restaurant.

D'Raschtplaz louch bis Oktober 2019 ronn 2,3 km méi südlech, direkt bei der Uertschaft Steebrécken, wou se vu Shell exploitéiert gouf. De 15. Dezember 2022 ass se op der neier Plaz opgaangen.

Den Deplacement vun der Raschtplaz war néideg gi fir mat den Aarbechte fir den Ëmbau vum Verdeeler Steebrécke kënnen unzefänken. D'Amenagement vun der neier Raschtplaz, zesumme mam „Méi-breet-maachen“ vun der Autobunn op där Plaz gouf mat 8,08 Milliounen Euro budgetiséiert.

Steebrécken-Süd

an déi vun Esso op der anerer Säit.

Geographesch Koordinaten:

49° 32’ 39.5’’ N 06° 02’ 24.5’’ O

An der Richtung fir an d'Stad läit d'Raschtplaz Steebrécken-Süd ((fr) Aire de Pontpierre-Sud) tëscht der fréierer Ausfaart Steebrécken (N° 2) an der Opfaart Steebrécken, ongeféier um KP 8,70.

D'Bensinnsstatioun gouf ursprénglech vun Texaco exploitéiert, zënter August 2024 ass et Esso. Et gëtt kee Restaurant do.

Bis ëm d'Joer 2010 louch d'Raschtplaz ronn 1,5 km méi südlech, am Dräieck tëscht der Autobunn, der deemoleger Ausfaart Steebrécken (Rue d'Europe) an der Grand-Rue zu Steebrécken.

D'Käschte fir d'Amenagement vun der neier Raschtplaz goufen op 2,25 Milliounen Euro geschat.

Kuckt och

• Tanktourismus

Um Spaweck

Commons: Aire de Pontpierre – Biller, Videoen oder Audiodateien