8. Arrondissement vu Paräis

Den 8. Arrondissement ((fr) och nach Arrondissement de l'Élysée) ass ee vun zwanzeg Stadbezierker vu Paräis. En ass wärend der Extensioun vun der Stad a Richtung Westen, an der Mëtt vum 19. Joerhonnert entstanen.

8. Arrondissement vu Paräis

Quartieren	Champs-Élysées, Faubourg-du-Roule, Madeleine, Europe
Buergermeeschter	Jeanne d'Hauteserre
Awunner	35.123
Fläch	3,88 km²
Postcode	75008
INSEE-Code	75108
Koordinaten	48°52'27"N, 2°18'40"O

An dësem Arrondissement konzentréiert sech e groussen Deel vum Geschäftsliewe vu Paräis mat enger deementspriechend héijer Zuel vun Aarbechtsplazen. Mam Sëtz vum franséische Staatspresident, mam Inneministère, enge sëllegen Ambassaden an internationale Medienhaiser ass den 8. Arrondissement de wichtegste politeschen Zentrum vun der Haaptstad.

Geographesch Lag

Den 8. Arrondissement läit direkt um rietsen Uwänner vun der Seine. E grenzt am Osten un den 9. an den 1. Arrondissement, am Westen un de 16. an am Nordwesten an Norden un de 17. Arrondissement. Op der aner Säit vum Floss läit de 7. Arrondissement.

Quartieren

Wéi all Paräisser Arrondissement ass en a véier administrativ Quartieren ënnerdeelt:

• 29. Quartier des Champs-Élysées
• 30. Quartier du Faubourg-du-Roule
• 31. Quartier de la Madeleine
• 32. Quartier de l'Europe

Biller

• 
  Den Arc de Triomphe
• 
  Hënnescht Face vun der Kierch La Madeleine
• 
  De Palais de l'Elysée
• 
  Vue op d'Avenue des Champs-Élysées
• 
  E Sprangbur op der Place de la Concorde

Kuckeswäertes

Kleng Auswiel:

• Arc de Triomphe
• Avenue des Champs-Élysées
• Boulevard Haussmann
• La Madeleine
• Palais de l'Élysée
• Rue du Faubourg-Saint-Honoré
• Parc Monceau
• Place de la Concorde

Um Spaweck

Commons: 8. Arrondissement vu Paräis – Biller, Videoen oder Audiodateien