Édouard Aschman

De Jean Eric Edouard Aschman, gebuer de 27. Juni 1820 an der Stad Lëtzebuerg, an och do den 1. Dezember 1881, war e lëtzebuergeschen Dokter a Politiker.

Édouard Aschman
Gebuer	27. Juni 1820 Lëtzebuerg
Gestuerwen	1. Dezember 1881 Lëtzebuerg
Nationalitéit	Lëtzebuerg
Aktivitéit	Dokter, Politiker
Member vun	Société de botanique du grand-duché de Luxembourg

Liewen a Karriär

Hien huet vun 1837 bis 1842 zu Bonn, Heidelberg a Würzburg Medezinn studéiert an huet de 27. August 1842 en Doktorat an der Medezinn gemaach. Dono war hie vun 1845 bis 1848 Aarmendokter an der Stad Lèetzebuerg, vun 1849 bis 1881 Médecin-inspecteur vum Kanton Capellen, vun 1849 - 1881 Dokter vun der Association ouvrière de secours. Ausserdeem war hie President vum Collège médical (1859 - 1881), Dokter an den Zivilhospizen (1862 - 1881), a President vun der Société des sciences médicales (1862 - 1865).

Hie war weiderhin Membre agrégé (1857) an duerno Membre effectif vun der Société royale grand-ducale des sciences naturelles, Grënnungsmember (1872), Vizepresident (1874), an duerno President (1876) vun der Société de botanique du Grand-Duché de Luxembourg, President (1872) vun der Société de pisciculture. Ausserdeem war hie Membre effectif vun derSociété royale de botanique de Belgique, Matgrënner vun der Casino-Gesellschaft a Member vun der Loge civile.

Politesch huet den Edouard Aschman sech op kommunalen an nationale Plang engagéiert. Hie war Member vum Stater Gemengerot (gewielt 1848, 1851, 1865 an 1872), a gouf do 1862 Schäffen. Bei de Chamberwale vum 4. Oktober 1853, 20. August 1857 a vum 15. September 1875 gouf hien als Deputéierten an d'Chamber gewielt.

Den Edouard Aschman war mat der Elise Hastert (1827-1903) bestuet.

Publikatiounen

• Ueber die Neugeborenheit in anatomischer, physiologischer und gerichtlichmedicinischer Hinsicht: Inaugural-Abhandlung von J. Fr. Eduard Aschman, Doctor der Medicin, Chirurgie und Geburtshülfe, Würzburg, Druck von Friedrich Ernst Thein, 1842, 49 S., Würzburg. Univ., Diss., 1842.
• Excursions dans la Flandre néerlandaise et à Wilwerwiltzpar le Dr Ed. Aschman, président de la Société botanique du Grand-Duché de Luxembourg, etc., etc., Imprimerie L. Schamburger, 1877, 35 p., extrait du Recueil des mémoires et des travaux de la Société botanique du Grand-Duché de Luxembourg, SBL, n° II-III, 1875-1876, p. 23-29 et p. 33-53.
• Rapport sur l’herborisation de la Société royale de botanique de Belgique qui eut lieu dans la Flandre néerlandaise le 29 août 1874 et jours suivants par le Dr Ed. Aschman. (Aix la Chapelle, le 12 septembre 1874).
• Les plantes insectivores. Lecture faite à la Société botanique de Luxembourg en séance du 17 mars 1877, par le Dr Ed. Aschman. * Communication faite à la Société botanique du Grand-Duché en séance du 19 mai 1877, sur une herborisation aux environs de Wilwerwiltz, in Recueil des mémoires et des travaux publiés par la Société de Botanique du Grand-Duché de Luxembourg, SBL N° 2-3, 1875-1876, p. 58-62.
• La ville de Luxembourg après le traité de Londres / par un conseiller communal. - Luxembourg : Th. Schroell, 1868, 17 p. ; 22 cm (Attribué à Aschman, J. - F.- Édouard d'après Martin Blum).

Gielecher

• Commandeur de l’ordre de la Couronne de chêne (19.2.1874).

Um Spaweck

Commons: Édouard Aschman-Hastert – Biller, Videoen oder Audiodateien