Thierry Faber
lëtzebuergesche Filmediteur
Den Thierry Faber, gebuer den 22. Juni 1974 zu Lëtzebuerg, ass e lëtzebuergesche Filmediteur, Zeenarist a Realisateur. Hien huet seng Karriär 1999 ugefaangen[1].
| Thierry Faber | |
|---|---|
| Gebuer | 22. Juni 1974 |
| Nationalitéit | Lëtzebuerg |
| Aktivitéit | Filmediteur, Dréibuchauteur |
| Famill | |
| Papp | Paul Faber |
| Mamm | Marie-Christine Faber |
 | |
Hien huet vun 1993 bis 1997 zu Stroossbuerg op der U.S.H.S. Geschicht studéiert. Vun 1997 bis 2000 war hien zu Louvain-la-Neuve op der Filmschoul I.A.D.
Zanterhier huet hien dacks als Filmediteur ("Cutter") geschafft; 2003 an 2007 krut de Faber dofir de Lëtzebuerger Filmpräis fir déi bescht technesch Kontributioun[2]. 2015 huet hien de Kuerzfilm À quoi bon? realiséiert.
Hien ass de Créateur, (Co-)Zeenarist a Showrunner vun der TV-Serie Capitani. Virdrun huet hien un den Dréibicher vun de Sitcome Weemseesdet a Comeback a vum Film De Superjhemp retörns matgeschafft.
Referenzen
änneren- ↑ Fiche op IMDb (en)
- ↑ Archive copy Archivéiert de(n) 14.07.2017. Gekuckt de(n) 29.05.2017.