Théophile Schroell

De Jean-Henri-Willibrord Theophile Schroell (oder Schröll), gebuer de 5. Mäerz 1829 zu Iechternach, a gestuerwen den 9. September 1893 an der Stad Lëtzebuerg[1], war e lëtzebuergesche Journalist an Editeur.

Théophile Schroell
Gebuer 5. Mäerz 1829
Iechternach
Gestuerwen 9. September 1893
Lëtzebuerg
Nationalitéit Lëtzebuerg
Aktivitéit Journalist
Wikidata-logo-without-paddings.svg

Hien ass zu Dikrech opgewuess, huet de Lycée ofgeschloss an 1850 den Examen fir Schoulmeeschter gemaach. Ma gläich drop huet hien dës Carrière opgi fir Journalist bei der liberaler Lokalzeitung Der Wächter an der Sauer ze ginn.

1857 goung e beim Courrier du Grand-Duché de Luxembourg schaffen, vun där en 1865 Proprietär gouf. An der Zeitung huet de Schroell sech géint de Klerikalismus vun der kathoulescher Kierch a géint déi méiglech Annexioun vu Lëtzebuerg duerch Frankräich ausgeschwat (kuckt: Lëtzebuerg-Kris), ma och Virwërf gekontert, e wier zevill preisefrëndlech. 1868 huet hie seng Redaktiouns- a Publikatiounsaktivitéiten nei organiséiert, de Courrier bis Enn des Joers ofgeschloss a komplett duerch d'Luxemburger Zeitung, déi den 9. Mäerz ugefaang huet.

D'Zeitung vum Schroell huet sech bei innepoliteschen Themen u fortschrëttlech Positioune gehalen, an huet sech agesat fir de Bau vun enger Eisebunn am Land, de Bau vun engem neien Theater, fir d'Ouverture vun enger Universitéit, asw.

De Schroell hat fënnef Kanner. Säin Enkel ass de Pianist Hans Bruch.

LiteraturÄnneren

ReferenzenÄnneren

  1. Etat civil de la Ville de Luxembourg Décès an L'indépendance luxembourgeoise vum 16. September 1893 op eluxemburgensiua.lu