Short Message Service

SMS ass eng Weiderleedung op dës Säit. Fir aner Bedeitunge vun deem Numm, kuckt wgl. ënner SMS (Homonymie)

SMS (Méizuel: SMSen) steet fir Short Message Service an ass eng Textnoriicht, déi iwwer Handy geschéckt gëtt.

Als Verben an deem Zesummenhank gëtt et eng SMS schécken.

Déi éischt short message vum Short Message Service (SMS) hat als Text „Merry Christmas“ a gouf den 3. Dezember 1992 vum britteschen Ingenieur Neil Papworth vun engem Computer un e GSM am brittesche Vodafone-Netz geschéckt. Also ongeféier e Joer no der Aféierung vum GSM-Standard fir Handyen an Europa (1991).

Zanter 1997 ginn och SMS-Noriichten iwwer Internet verschéckt.

Weiderentwécklung vun der SMS existéieren ënner dem Numm Enhanced Message Service (EMS) a Multimedia Messaging Service (MMS).

Opbau vun der SMS

Eng SMS besteet aus zwéin Deeler:

Header: (Engl. fir "Kapp") Am SMS-Header si verschidden Informatioune vun der SMS uginn, zum Beispill Ofsendernummer, Codéierung (7 Bit, 8 Bit, 16 Bit), Zeechesaz (zum Beispill ISO 8859-1 fir Laténgesch, ISO 8859-6 fir Arabesch, etc.), Gëltegkeet vun der Noriicht, Empfängernummer etc.

Body: (engl. fir "Kierper") Et ass den "Inhalt" vun der SMS, deen den Text enthält, deen iwwerdroen an um Display ugewise gëtt. Déi maximal Gréisst vun engem Body ass op 1.120 Bit (= 160 Zeeche fir Text-SMSen) begrenzt, mä et gëtt och d'Méiglechkeet, méi SMSe mateneen ze verbannen (concatenated SMS / EMS).

Codéierung

Haaptartikel SMS-Codéierung

Et gëtt dräi verschidden Aarte vun SMS-Codéierung:

7 Bit: Fir Test-SMS mat laténgesche Buschtawen a grousse griichesche Buschtawen
8 Bit: Fir Daten-SMS (binär SMS), wei z. B. Handylogoen
16 Bit: Unicode (UCS2), d. h. op BMP beschränkten UTF-16

Literatur

Däitsch Bicher

Bo Hanus, Schalten, Steuern und Überwachen mit dem Handy, ISBN 3-7723-5665-6
Bernd VomBerg, Jürgen Engelmann, Peter Groppe, Fernsteuern via SMS, ISBN 3-89576-126-5

Franséisch Bicher

Jacques Anis, Parlez-vous texto ? Guide des nouveaux langages du réseau, éd. Le Cherche-Midi, 2001.

Kuckt och

SMS-Codéierung

Um Spaweck

Commons: Short Message Service – Biller, Videoen oder Audiodateien

Von Handy zu Handy - HB2U SMS! op wort.lu, den 3. Dezember 2017
25 Joer no senger Kreatioun - Ass den SMS hautdesdaags nach ëmmer beléift? op rtl.lu, den 3. Dezember 2017