Schiedel
Schanke vum Kapp
De Schiedel oder Schädel, sinn d'Schanke vum Kapp an domat en Deel vum Skelett vun de Wierbeldéieren. De Fachbegrëff ass Cranium.
Beim Mënsch besteet en aus 22 platten an onreegelméisseg geformten eenzele Schanken. Mat der Ausnam vum ënneschte Gebéck (mandibula) sinn all d'Schanke vum Schiedel onbeweeglech matenee verbonnen.[1]
D'Funktioun vum Schiedel ass de Schutz vun de Strukturen, déi dra leien. Dozou zielen déi zentral Deeler vum Nervesystem, wéi d'Gehier, an déi verschidde Sënnesorganer (zum Beispill d'Aen an d'Oueren). Donieft spillt en och eng Roll Beim Ophuele vun Narung, déi iwwer d'Mondhiel an de Kierper kënnt a mat Hëllef vun Zänn kleng gemaach gëtt.[1]
Um Spaweck
änneren| Commons: Schiedelen – Biller, Videoen oder Audiodateien |
