Regierung Thorn-Vouel-Berg

Dëse Politiksartikel ass eréischt just eng Skizz. Wann Dir méi iwwer dëst Theema wësst, sidd Dir häerzlech invitéiert, aus dëse puer Sätz e richtegen Artikel ze schreiwen. Wann Dir beim Schreiwen Hëllef braucht, da luusst bis an d'FAQ eran.

D'Regierung Thorn-Vouel ass aus de Chamberwale vum 26. Mee 1974 ervirgaangen. Et war eng Koalitiouns regierung aus DP an LSAP, déi de 15. Juli 1974 vereedegt gouf an aus 8 Ministeren an 3 Staatssekretäre bestanen huet. Et war dëst déi éischt Regierung zanter 30 Joer ouni CSV-Bedeelegung.

Den 21. Juli 1976 koum et zu enger éischter Ëmbildung, wéi de Raymond Vouel demissionéiert huet, fir Member vun der Europäescher Kommissioun ze ginn. De Benny Berg gouf Vizepresident vun der Regierung, an de Jacques Poos, deen nei derbäikomm ass, gouf Finanzminister amplaz vum Vouel.

Déi sou entstane Regierung Thorn-Berg gouf de 16. September 1977 eng lescht Kéier ëmgebilt, wéi de Marcel Mart zeréckgetruede war. De Gaston Thorn huet dem Mart seng Portefeuillë Wirtschaft a Mëttelstand iwwerholl (an de Sport dem Emile Krieps iwwerlooss). De Josy Barthel, deen nei bäikoum, krut den Transport an d'Energie, d'Ëmwelt an den Tourismus.

Zesummesetzung

Vum 15. Juli 1974 bis den 21. Juli 1976

Gaston Thorn (DP), President vun der Regierung, Staatsminister; Minister fir Aussebezéiungen, Aussenhandel; Minister fir Sport
Raymond Vouel (LSAP), Vizepresident vun der Regierung; Finanzminister
Marcel Mart (DP), Minister fir Wirtschaft, Minister fir Mëttelstand an Tourismus; Minister fir Transport an Energie
Emile Krieps (DP), Minister fir Gesondheet an Ëmwelt, Minister vun der Fonction publique; Arméiminister
Joseph Wohlfart (LSAP): Inneminister
Robert Krieps (LSAP): Minister fir Bildung, Justizminister, Kulturminister
Jean Hamilius (DP), Minister fir Landwirtschaft a Wäibau; Bauteminister
Benny Berg (LSAP): Minister fir Aarbecht a Sozialversécherung,Familljeminister; Minister fir Soziale Wunnengsbau a Sozial Solidaritéit
Albert Berchem (DP): Staatssekretär am Landwirtschafts- a Wäibauministère
Guy Linster (LSAP): Staatssekretär am Bildungsministère
Maurice Thoss (LSAP): Staatssekretär am Ministère fir Aarbecht a Sozialversécherung,Familljeminister; Minister fir Soziale Wunnengsbau a Sozial Solidaritéit

Vum 21. Juli 1976 bis de 16. September 1977

Gaston Thorn (DP), President vun der Regierung, Staatsminister; Minister fir Aussebezéiungen, Aussenhandel; Minister fir Sport
Benny Berg (LSAP), Vizepresident vun der Regierung; Minister fir Aarbecht a Sozialversécherung,Familljeminister; Minister fir Soziale Wunnengsbau a Sozial Solidaritéit
Marcel Mart (DP), Minister fir Wirtschaft, Minister fir Mëttelstand an Tourismus; Minister fir Transport an Energie
Emile Krieps (DP), Minister fir Gesondheet an Ëmwelt, Minister vun der Fonction publique; Arméiminister;
Joseph Wohlfart (LSAP): Inneminister
Robert Krieps (LSAP): Minister fir Bildung, Justizminister, Kulturminister
Jean Hamilius (DP): Minister fir Landwirtschaft a Wäibau; Bauteminister
Jacques Poos (LSAP): Finanzminister
Albert Berchem (DP): Staatssekretär am Landwirtschafts- a Wäibauministère
Guy Linster (LSAP): Staatssekretär am Bildungsministère
Maurice Thoss (LSAP): Staatssekretär am Ministère fir Aarbecht a Sozialversécherung,Familljeminister; Minister fir Soziale Wunnengsbau a Sozial Solidaritéit

Vum 16. September 1977 bis de 16. Juli 1979

Gaston Thorn (DP): President vun der Regierung, Staatsminister; Minister fir Aussebezéiungen an Aussenhandel; Minister fir Wirtschaft, Minister fir Mëttelstand.
Benny Berg (LSAP): Vizepresident vun der Regierung; Minister fir Aarbecht a Sozialversécherung,Familljeminister; Minister fir Soziale Wunnengsbau a Sozial Solidaritéit
Emile Krieps (DP): Minister fir Gesondheet, Minister vun der Fonction publique; Arméiminister; Sportminister
Joseph Wohlfart (LSAP): Inneminister
Robert Krieps (LSAP): Minister fir Bildung, Justizminister, Kulturminister
Jean Hamilius (DP): Minister fir Landwirtschaft a Wäibau; Bauteminister
Jacques Poos (LSAP): Finanzminister
Josy Barthel (DP): Minister fir Transport an Energie, Ëmweltminister, Tourismusminister
Albert Berchem (DP): Staatssekretär am Landwirtschafts- a Wäibauministère
Guy Linster (LSAP): Staatssekretär am Bildungsministère
Maurice Thoss (LSAP): Staatssekretär am Ministère fir Aarbecht a Sozialversécherung,Familljeminister; Minister fir Soziale Wunnengsbau a Sozial Solidaritéit

Kuckt och

Um Spaweck

Thewes, Guy: Les gouvernements du Grand-Duché de Luxembourg depuis 1848, ISBN 2-87999-118-8
Le gouvernement du Grand-Duché de Luxembourg 2013, Service information et presse du gouvernement (2014)
Le gouvernement du Grand-Duché de Luxembourg 2018 , Service information et presse du gouvernement (2019)

Steve Bissen, Historischer Machtwechsel op wort.lu den 13. August 2018 an an der Drockversioun vum Luxemburger Wort vum 13. August 2018, Säit 2