Quincy Jones

De Quincy Delight Jones jr., gebuer de 14. Mäerz 1933 zu Chicago, ass en US-amerikaneschen Jazzmuseker, Komponist, Arrangeur a Produzent.

Quincy Jones
Gebuertsnumm	Quincy Delight Jones
Gebuer	14. Mäerz 1933 Chicago
Nationalitéit	USA
Educatioun	Berklee College of Music, Garfield High School
Aktivitéit	Dirigent, Trompettist, Komponist, Bandleader, Jazzmuseker, Autobiograph, Museksproduzent, Dichter, Lidderschreiwer, Museksmanager, Filmproduzent, Schauspiller, Televisiounsproduzent, Arrangeur, Humanitarier
Member vun	American Academy of Arts and Sciences
Famill
Bestuet mat	Ulla Andersson, Peggy Lipton
Liewenspartner(in)	Nastassja Kinski
Papp	Quincy Delight Jones
Mamm	Sarah Frances Wells
Geschwëster	Richard A. Jones
Kanner	Kidada Jones, Rashida Jones, Kenya Kinski-Jones

Nodeems hien an den 1950er-Jore mat Leit wéi der Dinah Washington, dem Lionel Hampton an dem Dizzy Gillespie zesumme gespillt hat, huet hie sech vun den 1960er-Joren un op d'Schreiwen, Arrangéieren a Produzéiere vu Musek konzentréiert. Am Ufank blouf hien dem Genre vum Jazz trei, ma lues a lues huet hien och an de Beräicher Film- a Popmusek geschafft. Vun der Abberzuel vun Artisten, mat deenen en zesummegeschafft huet, ass seng Kollaboratioun mam Michael Jackson, ë. a. als Produzent vum Album Thriller, déi bekanntst.

Den Jones gouf bannent senger Carrière 79 Mol fir e Grammy Award nominéiert an huet en 28 Mol gewonnen.

Hie war dräimol bestuet: mat der Jeri Caldwell (1957 - 1966), dem Mannequin Ulla Andersson (1967 - 1974) an der Schauspillerin Peggy Lipton (1974 - 1990). Vun 1991 bis 1997 war hie mat der Schauspillerin Nastassja Kinski zesummen. Hien ass Papp vu 7 Kanner.

Hien engagéiert sech am soziale Beräich, ë. a. fir d'Bildung vu Kanner aus aarme Verhältnesser a fir d'Sammelen an Erhale vun afroamerikanescher Musek (Institute for Black American Music).

Wierk

00Dëst Kapitel ass nach eidel oder onvollstänneg. Hëlleft wgl. mat, fir et ze komplettéieren.

Um Spaweck

Commons: Quincy Jones – Biller, Videoen oder Audiodateien