Power Data Grapple Fixture

D'Power Data Grapple Fixture (PDGF) sinn op der Internationaler Weltraumstatioun ISS gebrauchten Undockpunkte fir de Roborterarm Canadarm2 a fir gréisser Notzlaaschten. Mat dem PDGF kann de Canadarm2 Notzlaaschte gräifen (engl. grapple) a sou op der Statioun beweegen.

D'Power and Data Grapple Fixture

E PDGF besteet aus enger flaacher Grondplack mat engem zentrale Pin, an déi d'Gräifmechanik (engl. Latching End Effectors) agräift. Dozou kommen dräi gebéite Rampen, déi fir eng fest Verbindung mat dem Gräifmechanissem déngen. Véier elektresch Raccorden erméiglechen d'Versuergung mat Energie an dem Datenaustausch tëscht Canadarm2 an ISS, resp. Canadarm2 an der Notzlaascht.

PDGFs sinn iwwer de ganzen amerikaneschen Deel vun der ISS verdeelt ugemaach an erméiglechen domat dem Canadarm2 sech vun engem Undockpunkt zum aneren iwwer d'ISS fortzebeweegen. Gréisser Notzlaaschten, wéi den EXPRESS Logistics Carrier gi vum Canadarm2 un den ugemaachene PDGFs gegraff a beweegt.

Kuckt ochÄnneren

  Portal Astronomie

Um SpaweckÄnneren

Commons: Power and Data Grapple Fixture – Biller, Videoen oder Audiodateien