De PostMusée ass e Musée am Garer Quartier an der Stad Lëtzebuerg, an deem d'Geschicht vun der Post an der Telekommunikatioun zu Lëtzebuerg haaptsächlech un Hand vun historeschen Exponate gewise gëtt.

E Guichet vun 1912

E gëtt vun der Post Luxembourg bedriwwen, an ass am Keller vum Accinautosgebai op der Garer Plaz, Eck Rue d'Epernay, ageriicht.

Qsicon Achtung.svg 00De Contenu vun dësem Kapitel oder dësem Artikel ass net méi aktuell. Hëlleft wgl. mat, en nees op de leschte Stand ze bréngen.


Den Entrée ass gratis. Visitte ginn nëmmen op Rendez-vous organiséiert[1].

ExponatenÄnneren

D'Sammlung setzt sech graff aus dräi Domainen zesummen:

  • Telekommunikatioun: Ausgestallt sinn al Telefons- a soss seele Kommunikationsapparater, wéi z. B. e Morseapparat, eng manuell an eng elektromechanesch Telefonzentral an d'Rekonstruktioun vun engem Schantje mat Telefonsleitungen.
  • Postwiesen: Hei stinn eng Postkutsch vun 1880, an en Original-Postguichet vun 1912 an e Büro vun enger Poststatioun. Ausserdeem sinn do all Timberen ze gesinn, déi zënter 1852 zu Lëtzebuerg erauskomm sinn, sou wéi och al Drockplacke vu verschiddenen Timbersbéi, an och soss Uniformen a Geschier aus dem Postbetrib.
  • Postscheck: Ze gesi sinn al Objeten an Apparaten aus den Ufanksjore vum Postscheck.

BillerÄnneren

Um SpaweckÄnneren

Commons: Musée des Postes et Télécommunications – Biller, Videoen oder Audiodateien
  1. Informatioun op der Websäit Das Postmuseum op postgroup.lu, gekuckt den 19. August 2018