De Peter Denis Sutherland, gebuer de 25. Abrëll 1946 zu Dublin, an och do de 7. Januar 2018 gestuerwen[1], war en iresche Politiker. Hie war vun 1985 bis 1989 Europäesche Kommissär fir Konkurrenz a war bis zu sengem Doud Envoyé spécial fir Migratioun vun der UNO.

Peter Sutherland
Peter-Sutherland-2011.jpg
Gebuer 25. Abrëll 1946
Dublin
Gestuerwen 7. Januar 2018
Dublin
Nationalitéit Irland
Aktivitéit Politiker, Affekot, Geschäftspersoun, Diplomat
Wikidata-logo-without-paddings.svg

Vun 1981 bis 1982 a vun 1982 bis 1984 war de Sutherland Attorney General (Procureur général) vun Irland. Dono war en an der Kommissioun Delors I vun 1985 bis 1986 Kommissär fir den Emploi, sozial Affären a Chancëgläichheet, a vun 1985 bis 1989 Kommissär fir Konkurrenz. Vun 1993 bis 1995 war de Sutherland dee leschte GATT-Generaldirekter an éischte Generaldirekter vun der Welthandelsorganisatioun (en.: WTO/fr.: OMC).

Vun 1995 bis 2015 war de Sutherland President vum Conseil vun der Investmentbank Goldman Sachs,[2] an ë. a. och vu BP (1997 bis 2009), ABB an der Royal Bank of Scotland.

Hie war och Envoyé spécial fir Migratioun bei de Vereenten Natiounen.

ReferenzenÄnneren

  1. Former attorney General Peter Sutherland dies aged 71
  2. Goldman Sach’s City grandee Peter Sutherland bows out , thetimes.co.uk vom 21. Mai 2015