Ministère de la Sécurité intérieure

De Ministère fir bannenzeg Sécherheet, (fr: Ministère de la Sécurité intérieure) zu Lëtzebuerg, war bis de 17. November 2023 fir d'Ëmsetzen an d'Koordinatioun vun der allgemenger Politik am Beräich vun der bannenzeger Sécherheet zoustänneg. Hie gouf de 17. November 2023 vum Ministère des Affaires intérieures ersat.

Ministère de la Sécurité intérieure
Ministère fir bannenzeg Sécherheet
Land	Lëtzebuerg
Minister	Henri Kox
Verwaltungssëtz	Lëtzebuerg
Adress	4, Place de l'Europe L-1499 Lëtzebuerg
Ënnersteet der/dem	Lëtzebuerger Regierung
Opgeléist	17. November 2023
Um Spaweck	https://msi.gouvernement.lu/

Allgemenges

Nieft den allgemenge Sujete vun der bannenzeger Sécherheet assuréiert de Ministère och d'Preparatioun an de Suivi vun nationalen an internationale Reuniounen am Domaine vun der bannenzeger Sécherheet.

Kompetenz vum Ministère

D'Servicer a Verwaltungen déi ënnert d'Kompetenz vum Ministère fir bannenzeg Sécherheet falen, sinn am Arrêté grand-ducal vum 28. Mee 2019 festgehalen. Dozou gehéieren ë. a.:

• Police grand-ducale
• Inspection générale de la police

Kuckt och

• Regierung (Lëtzebuerg)
• Lëscht vun de Ministere fir bannenzeg Sécherheet

Um Spaweck

Commons: Ministère de la Sécurité intérieure – Biller, Videoen oder Audiodateien

• De Ministère op gouvernement.lu, der Websäit vun der Regierung