Maria Cioncan
rumänesch Mëttelstreckeleeferin
D'Maria Cioncan gebuer den 19. Juni 1977 zu Maieru a Rumänien, a gestuerwen den 21. Januar 2007 bei Plewen, Bulgarien, war eng rumänesch Liichtathleetin.
| Maria Cioncan | |
|---|---|
 | |
| Gebuer |
19. Juni 1977 Maieru |
| Gestuerwen |
21. Januar 2007 Plewen |
| Doudesursaach | Verkéiersaccident |
| Nationalitéit | Rumänien |
| Aktivitéit | Mëttelstreckeleefer |
| Gréisst | 172 cm |
| Gewiicht | 57 kg |
| Huet matgemaach bei | Olympesch Summerspiller 2004 |
 | |
D'Maria Cioncan war 2003 rumänesch Landesmeeschterin am 800-Meter-Laf, an 2003 an 2004 war se Landesmeeschterin am 1500-Meter-Laf.
Bei den XXVIII. Olympesche Summerspiller 2004 zu Athen krut se mat hirer perséinlecher Beschtzäit, am 1500-Meter-Laf, d'Bronze Medail hanner der Brittin Kelly Holmes (Gold) an der Russin Tatjana Tomaschowa (Sëlwer). Am 800-Meter-Laf gouf se déi siwent.
Um Heemwee vun engem Trainingslager a Griicheland, ass se den 21. Januar 2007 bei engem Autosaccident déidlech verongléckt.
Beschtleeschtungen
änneren- 800-Meter-Laf: 1:59,44 Minutten (2004)
- 1500-Meter-Laf: 3:58,39 Minutten (2004)
- 3000-Meter-Laf: 8:57,71 Minutten (2002)
Literatur
änneren- Peter Matthews (Hrsg.): Athletics 2006, Cheltenham 2006, ISBN 1899807-34-9