MS Queen Victoria
|
Dësen Artikel ass eréischt just eng Skizz. Wann Dir méi iwwer dëst Theema wësst, sidd Dir häerzlech invitéiert, aus dëse puer Sätz e richtegen Artikel ze schreiwen. Wann Dir beim Schreiwen Hëllef braucht, da luusst bis an d'FAQ eran. |
| MS Queen Victoria | |
|
| |
| Karriär | 
|
|---|---|
| Bestallt: | 3. Dezember 2004 |
| Ufank vum Bau: | 12. Mee, 2006 |
| Stapellaf: | 10. Dezember, 2007 |
| Gedeeft: | 10. Dezember, 2007 vun der Camilla, Duchess of Cornwall |
| Éischt Rees: | 11. Dezember, 2007 |
| Elo: | am Déngscht |
| Allgemeng Karakteristiken | |
| Tonnage: | 90.000 BRT |
| Längt: | 294 m (954,5 ft) |
| Breet: | 32.3 m (106 ft) |
| Déifgang: | 8 m (26,2 ft) |
| Héicht: | 62,5 m (205 ft) |
| Motorleeschtung: | 2 x 16,7 MW Azipods |
| Propulsioun: | 63.4 MW Sulzer ZA40 Diesel Motor |
| Vitess: | 23,7 Kniet (43,9 km/h), |
| Capacitéit: | 2.014 Passagéier 900 Offizéier an Equipage |
| Deckzuel: | 16 total, 12 fir Passagéier |
| Et huet kascht: | UK£ 270 Milliounen (apprx.) |
MS Queen Victoria ass dat drëtt Schëff fir Croisièrë vun der Cunard-Linn, dat den Numm vun enger brittescher Kinnigin dréit. D'Konstruktioun ass am Joer 2007 bei der Fincantieri Werft zu Monfalcone (Italien) fäerdeg ginn, an d'Schëff ass zanter dem 11. Dezember 2007 am Déngscht. Domat si fir d'éischt an der traditiounsräicher Geschicht vun dëser weltbekannter Reederei dräi Schëffer gläichzäiteg am Déngscht, déi den Numm vun enger brittescher Kinnigin droen.
D'Herzogin vu Cornwall, d'Fra vum Krounprënz Charel, huet d'Schëff den 10. Dezember 2007 zu Southampton gedeeft. D'Dafzeremonie gëtt a Groussbritannien, der Traditioun no, vun enger Persoun vollzunn, déi an den Adelsstand erhuewe ginn ass.
D'„Queen Victoria“ huet 1007 Kabinne fir 2014 Passagéier. 86 % vun de Kabinne si Baussekabinnen, 71 % hunn en eegene Balcon.
Éischt Rees
ännerenDen 11. Dezember 2007 huet d'„Queen Victoria“ fir d'éischt Southampton mat Passagéier u Bord, fir eng Croisière verlooss. Déi Croisière huet no Nordeuropa op verschidden Adventsmäert gefouert, an huet duerno, op Chrëschtdag, Lissabon ugesteiert. Vum 13. Januar un ass se vun New York aus op enger Croisière rondrëm d'Welt ënnerwee, déi 106 Deeg dauere soll. Den 13. Januar 2008, wéi d'Queen Victoria zu New York ukoum, waren déi aner zwee Cunard-Schëffer, Queen Elizabeth 2 a Queen Mary 2 och zu New York ukomm.
Literatur
änneren- Ward, Douglas: Berlitz Complete Guide to Cruising & Cruise Ships 2006, ISBN 981-246-739-4
Kuckt och
ännerenUm Spaweck
änneren- Säit vum Schëffsbauer Fincantieri iwwer d'MS Queen Victoria
- Cunard Websäit
- Postkaarte vu Croisièreschëffer
- Bewäertung vu Croisièresschëffer
| Commons: MS Queen Victoria – Biller, Videoen oder Audiodateien |
