Lycée technique de Lallange

Lycée technique vu Lalleng, 2011

De Lycée technique de Lallange, kuerz LTL, ass eng ëffentlech lëtzebuergesch Secondaireschoul.

Inhaltsverzeechnes

Geschicht

Duerch Gesetz vum 28. Oktober 2002 ass, nom Lycée technique d'Esch-sur-Alzette (LTE), eng zweet technesch Secondaire-Schoul, um Territoire vun der Stad Esch-Uelzecht an d'Liewe geruff ginn. Dës krut duerch Règlement grand-ducal vum 24. Dezember 2002 den Numm "Lycée technique de Lallange" (LTL).

Provisoresch war d'Haaptgebai vum LTL zu Esch op der Victor-Hugo-Plaz, an eng Annexe dovun zu Schëffleng am "Arbed-Gebai".

No véier Joer Bauzäit gouf déi nei Schoul am September 2010 mam Ufank vum neie Schouljoer a Betrib geholl. D'Gebai ass no de Pläng vun den Architekten A.M. Jacek Pawlowski a Jean-Claude Lutz gebaut ginn. Déi offiziell Aweiung war den 29. Oktober 2010 a Presenz vun de Ministere Claude Wiseler a Mady Delvaux-Stehres. Éischte Schouldirekter am LTL ass de Claude Loesch.

D'Schoul am Detail

• Baukäschten: 100 Milliounen Euro
• Capacitéit: zirka 1500 Schüler
• Klassenzëmmer: 53
• Informatiksäll: 12
• Handwierksatelieren: 5
• Laboratoire fir naturwëssenschaftlech Fächer: 8
• Sportinfrastruktur: 1 Schwämm, 2 Sporthalen, 1 Kraaftraum, 1 Danzsall, 1 Foussballterrain, 1 Multi-Sportterrain
• Schoulrestaurant: 450 Plazen

Literatur

• Luxemburger Wort, 18.08.2010: „Hei wär ee selwer rëm gär Schüler ...“
• Luxemburger Wort, 2.10.2010: Ein schulisches Schmuckstück

Kuckt och

• Secondaireschoulen zu Lëtzebuerg

Um Spaweck

• Websäit vum LTL
• Loi du 28 octobre 2002 portant création d'un second établissement d'enseignement secondaire technique à Esch-sur-Alzette
• Règlement grand-ducal du 24 décembre 2002 portant dénomination du second établissement d'enseignement secondaire technique à Esch-sur-Alzette