Luxemburger Wochenblatt
Luxemburger Wochenblatt war den Titel vun enger lëtzebuergescher Wochenzeitung, déi tëscht dem 7. Abrëll 1821 a warscheinlech dem 8. Juli 1826 samschdes erauskoum a beim Jacques Lamort gedréckt gouf.[1]
 | |
| Typ | Wochenzeitung |
|---|---|
| Sprooch | Däitsch |
| Éischt Ausgab | 1821 |
 | |
Redakter war de Friedrich-Georg Weiß, dee virdru Sekretär vum preisesche Festungskommissariat war an niewelaanscht e "Petitiounsbureau" bedriwwen huet, wou en de Leit Texter formuléiert, Feierversécherunge verkaaft an als Immobilienagent fungéiert huet.
D'Zilpublikum vum Luxemburger Wochenblatt waren d'Stater Bourgeoise an d'Membere vun der preisescher Festungsarméi, an dofir war et haaptsächlech op Däitsch geschriwwen. Et war déi éischt däitschsproocheg Zeitung déi zu Lëtzebuerg erauskoum. Mä et gouf och alt deen een oder anere Lieserbréif op Franséisch oder offiziell Matdeelung op Hollännesch.
Am Wochenblatt goufen och déi éischt Texter iwwerhaapt op Lëtzebuergesch publizéiert.[2]
Inhaltlech gouf vill Wäert op Lokalnoriichten a -communiquéë geluecht, Auslandsnoriichte ware warscheinlech aus aneren Zeitunge kopéiert.
D'Geschäft mat der Zeitung war fir de Weiß kee Succès; no fënnef Joer huet e missen ophalen, se erauszeginn, well en den Drécker net méi konnt bezuelen.
Literatur änneren
- Hilgert, Romain, 2004. Les journaux au Luxembourg 1704-2004, Service information et presse, Luxembourg. (Als Pdf an 2 Sprooche fir erofzelueden) (fr)(de)
Kuckt och änneren
Um Spaweck änneren
- D'Luxemburger Wochenblatt online um Site vun der BNL (net komplett).