Léon Suttor
lëtzebuergeschen Architekt
De Léon Suttor, gebuer den 19. Juli 1866 zu Ettelbréck, a gestuerwen den 11. Dezember 1946, war e lëtzebuergeschen Architekt.
| Léon Suttor | |
|---|---|
| Gebuer | 19. Juli 1866 |
| Gestuerwen | 11. Dezember 1946 |
| Nationalitéit | Lëtzebuerg |
| Aktivitéit | Architekt |
 | |
No sengem Secondaire am Kolléisch huet hien op der Polytechnische Schule, der haiteger Technische Universität München, studéiert a säin Architektendiplom kritt.
Gebaier, déi de Suttor entworf huet:
- d'Zentralmolkerei um Boulevard d'Avranches, där hir Fassad hir bayeresch Inspiratioun net leegne kann;
- um Boulevard Joseph II säin eegent Haus an d'Nopeschvilla, déi beim Bau vum neie Gebai fir d'Croix-Rouge luxembourgeoise ofgerappt goufen;
- d'Villa Wirion am alen Eecher Bierg.
De Suttor war deen éischten, deen zu Lëtzebuerg e Plaffong am Arméierte Bëtong agezunn huet, an dat an der Miesdrëffer Kierch.
D'Enn vu sengem Liewen huet de Suttor a sengem Landhaus zu Boufer verbruecht. Hien ass gestuerwen duerch en Accident; hie gouf viru senger Dier vun engem Auto ugestouss.
Literatur
änneren- Gilbert, P., 1986. La capitale et ses architectes: illustration critique de l'architecture dans la métamorphose d'une ville en un siècle. Institut grand-ducal, section des arts et des lettres, 222 S. Imprimerie Saint-Paul. BNL LB 1061, S. 171
- Philippart, R., 2007. Luxembourg. Historicisme et identité visuelle d'une capitale. 207 S. éditions saint-paul. ISBN 978-2-87963-694-8, S. 133