Kierch Néngsen

Kierch vun Néngsen
Filialkierch vun Néngsen (2015)
Filialkierch vun Néngsen (2015)
Uertschaft / Plaz Néngsen
Par Öewersauer
Saint-Pirmin
Dekanat Norden
Numm / Patréiner Hl. Markus
Koordinaten 49° 52’ 36.2’’ N
      05° 53’ 07.4’’ O
Kierchen - Kapellen

D'Kierch zu Néngsen ass eng kathoulesch Kierch déi zur Par Öewersauer Saint-Pirmin, zum Dekanat Norden an zu der Gemeng Esch-Sauer gehéiert.

De Patréiner vun der Kierch ass den hellege Markus, deem säi Fest de 25. Abrëll gefeiert gëtt.

D'Kierch steet am Duerfzentrum op der Haaptstrooss, dem CR307.

D'Kierch soll ënner Denkmalschutz gestalt ginn[1] wéinst dësen Elementer: déi stenge Rumm vun der Dir vum Klackentuerm, d'Agankspaart am barocke Stil, den Tuerm vun 1870 mat den zwou Klacken "Saint-Marc" a "Marie" vun 1880, véier Fënsteren am neo-romanesche Stil, Molereien aus dem 16. a 17. Joerhonnert, Holzskulpture vu véier Hellegen, de Chouer am Kräizrëppegewëllef, d'Wope vun den Häre vu Grümmelscheid an den Ofschlosssteen vun enger Sail mat engem Mënschekapp, deen am Volleksmond Juddekapp genannt gëtt.

GeschichtÄnneren

Bis de 7. Mee 2017 war d'Kierch vun Néngsen d'Filialkierch vun der Par Ënsber, déi zum Parverband Öwersauer, Sankt Pirmin, zu der Pastoralregioun Norden an zum Dekanat Wolz gehéiert huet. Zur fréierer Par Ënsber huet ausser der Filialkierch vun Néngsen och nach d'Parkierch vun Ënsber an d'Kapell vu Lëlz gehéiert.

Kuckt ochÄnneren

Um SpaweckÄnneren

Commons: Kierch Néngsen – Biller, Videoen oder Audiodateien

ReferenzenÄnneren

  1. Ungeahnter Schatz, Die zunächst unscheinbar wirkende Kirche von Neuhausenwird unter Denkmalshutz gestellt., Luxemburger Wort, 27. 07. 2021, S. 19