Nikloskierch zu Housen

Kierch vun Housen
Uertschaft / Plaz	Housen
Par	Parc Our Saint-Nicolas
Dekanat	Norden
Numm / Patréiner	Hl. Niklos
Koordinaten	50° 00’ 57.8’’ N 06° 05’ 28.4’’ O
Kierchen - Kapellen

D'Kierch vun Housen ass eng kathoulesch Kierch déi zur Par Parc Our Saint-Nicolas, zum Dekanat Norden an zu der Gemeng Parc Housen gehéiert.

Patréiner ass den Hellegen Niklos, deem säi Fest de 6. Dezember gefeiert gëtt.

D'Kierch steet op der Haaptstrooss, der N7, nieft dem Gemengenhaus.

Zur fréierer Par Housen hunn ausser der Parkierch vun Housen och nach d'Kapell zu Housen an d'Filialkierch zu Duerscht gehéiert.

Geschicht

D'Kierch gouf am Joer 1748 ënner dem Paschtouer Mathias Feyder gebaut. Vum 16. op de 17. Dezember 1944 ass se verbrannt, gouf awer nees an d'Rei gesat.

Klacken

Am Kierchtuerm hänken 3 Klacken déi an den Téin es', f', g' lauden.

Fënsteren

D'Fënstere sinn e Wierk vum Glaskënschtler Gustave Zanter aus dem Joer 1956.

Kuckt och

• Lëscht vu reliéise Gebaier zu Lëtzebuerg

Um Spaweck

Commons: Nikloskierch zu Housen – Biller, Videoen oder Audiodateien

• D'Kierch vun Housen op der Websäit vum Parverband Housen-Houschent
• D'Fënstere vun der Kierch zu Housen op der Websäit vun der Stiftung Forschungsstelle Glasmalerei des 20. Jh. e. V. (de)
• D'Uergel vun der Kierch op Orgues.lu