Kierch Féngeg

D'Kierch vu Féngeg ass eng kathoulesch Kierch déi zur Par Kordall Sainte-Barbe am Dekanat Süden-West an zu der Gemeng Käerjeng gehéiert.

Kierch vu Féngeg
Uertschaft / Plaz	Féngeg
Par	Kordall Sainte-Barbe
Dekanat	Dekanat Süden-West
Numm / Patréiner	Hl. Mathias
Konsekratioun	26. Mäerz 1866
Architekt(en)	Antoine Hartmann
Baujoer	1864 - 1866
Koordinaten	49° 36’ 08.8’’ N       05° 53’ 58.0’’ O
Kierchen - Kapellen

D'Kierch aus nordwestlecher Richtung

D'Kierch ass dem hellege Mathias geweit, deem säi Fest de 24. Februar gefeiert gëtt.

Se steet op der Kräizung vun der rue de l'Église an der rue de la Montagne. Ronderëm d'Kierch ass de Kierfecht ugeluecht.

Féngeg ass eng Bëschofspar zanter 1846 an eng staatlech Par zanter 1874.

De Bau

Scho beim éischte Bau vu viru 1570 hat d'Kierch als Patréiner den hellege Mathias.

Well dat aalt Gebai ze kleng war, gouf de 24. Juli 1864 de Grondstee fir eng nei Kierch geluecht, déi de 26. Mäerz 1866 vum Käercher Dechen ageseent gouf.

De 24. Dezember 1925 an am Joer 1977 huet de Blëtz an de Kierchtuerm geschloen, dofir gouf deen am Joer 1925, 1978 an och 2003 restauréiert.

D'Architektur

Féngeger Kierch ass eng Halekierch mat dräi Schëffer a véier Jachen. De Chouerraum ass polygonal an d'Verwëllef huet eng Kräizgratform.

Bannenan

Den Altor

Eng Statu vum hellege Mathias steet um barocken Héichaltor.

D'Uergel

D'Uergel gouf 1895 vun der Firma Walcker aus Ludwigsburg gebaut an 1950 vun der Uergelmanufaktur Schilling vu Kruuchten erweidert.

Biller

• 
  Banneraum
• 
  Altor
• 
  Dafsteen
• 
  Uergel

Kuckt och

• Lëscht vu reliéise Gebaier zu Lëtzebuerg

Um Spaweck

Commons: Kierch Féngeg – Biller, Videoen oder Audiodateien

• Websäit vum Parverband Nidderkäerjeng
• D'Fënstere vun der Kierch zu Féngeg op der Websäit vun der Stiftung Forschungsstelle Glasmalerei des 20. Jh. e. V. (de)
• D'Uergel vun der Kierch op Orgues.lu

Literatur

• Luxemburger Wort, 4. Nov. 1978: Die Pfarrkirche in Fingig wird restauriert