Kapell Uewerglabech

D'Kapell vun Uewerglabech ass eng kathoulesch Kapell, déi zur Par Mëllerdall Saint-Michel, zum Dekanat Zentrum an zu der Gemeng Noumer gehéiert.

Kapell vun Uewerglabech
Kapell vun Uewerglabech (2011) Kapell vun Uewerglabech (2011)
Uertschaft / Plaz	Uewerglabech
Par	Mëllerdall Saint-Michel
Dekanat	Zentrum
Numm / Patréiner	Hl. Jakobus
Baujoer	1686
Koordinaten	49° 47’ 03.7’’ N       06° 08’ 58.5’’ O
Kierchen - Kapellen

D'Kapell aus südëstlecher Richtung gesinn

De Patréiner ass den hellege Jakobus deem säi Fest de 25. Juli gefeiert gëtt.

Se steet op enger klenger Kopp op der Haaptstrooss, dem CR306.

Zur fréierer Par Noumer hunn ausser der Kapell vun Uewerglabech och nach d'Parkierch vun Noumer an d'Filialkierch vu Schrondweiler gehéiert.

Geschicht

Se gouf 1686 vun den Awunner vun der Uertschaft Uewerglabech op hir Käschte gebaut.

1874 gouf d'Trap, déi bei d'Kapell eropféiert, ugeluecht, datt d'Leit solle besser op de Knäppche kommen, op deem d'Gebai steet.

Si gouf den 11. August 1983 an den Inventaire supplémentaire vun der Lëscht vun de klasséierte Monumenter agedroen.

Kuckt och

• Lëscht vu reliéise Gebaier zu Lëtzebuerg
• Lëscht vun den nationale Monumenter an der Gemeng Noumer

Um Spaweck

Commons: Kapell Uewerglabech – Biller, Videoen oder Audiodateien

• Websäit vum Parverband Fiels