Kapell Lieners Uewereesbech

D'Kapell Lieners zu Uewereesbech ass eng kleng kathoulesch Privatkapell, déi zur Par Parc Our Saint-Nicolas, zum Dekanat Norden an zu der Gemeng Parc Housen gehéiert.

Kapell vun Uewereesbech
Uertschaft / Plaz	Uewereesbech
Par	Parc Our Saint-Nicolas
Dekanat	Norden
Numm / Patréiner	Tréischterin am Leed
Koordinaten	50° 00’ 31.0’’ N       06° 08’ 31.9’’ O
Kierchen - Kapellen

Se steet op der Kräizung vun der Strooss Bongertswies, dem CR324, mat der Strooss Am Becherduerf.

Den 2. Mäerz 2018 gouf se als nationaalt Monument klasséiert.

Zur fréierer Par Ënnereesbech huet och nach d'Kierch vun Ënnereesbech gehéiert.

Geschicht

D'Kapell gouf 1691 vun de Bridder Lieners gebaut, déi d'Versprieche gemaach haten, der Tréischterin am Leed eng Kapell opzeriichte wa se allebéid lieweg aus dem Drëssegjärege Krich zeréckkéimen.

Banneraum

An hir steet e barocken Altor mat, an der Mëtt, enger Statu vun der Tréischterin am Leed, där d'Kapell geweit ass. Lénks um Altor steet eng Statu vum hellegen Damian a riets eng vum hellege Cosmas; op der Säit steet den hellegen Cyriacus. Uewen um Altor ass eng Skulptur déi den Hippolyte, de Päerdshellegen duerstellt.

Dokumenter an der Kapell beleeën Restauratiounsaarbechte an de Joren 1937 an 1951.

Kuckt och

• Lëscht vu reliéise Gebaier zu Lëtzebuerg

Um Spaweck

Commons: Kapell Lieners Uewereesbech – Biller, Videoen oder Audiodateien

• Websäit vum Parverband Housen-Houschent

E puer Fotoen

• 
  D'Kapell bannen
• 
  De barocken Altor
• 
  D'Muttergottes-Statu
• 
  D'Damianus-Statu
• 
  D'Cosmas-Statu
• 
  D'Hippolyt-Statu