Julius Schiller
De Julius Schiller, gebuer géint 1580, a gestuerwen am Joer 1627 zu Augsburg, war en däitschen Astronom an Augustinermënch, an en Zäitgenosse vum Johannes Bayer, deen och zu Augsburg gelieft huet.
| Julius Schiller | |
|---|---|
 | |
| Gebuer |
1580 jul. Augsburg |
| Gestuerwen |
1627 Augsburg |
| Nationalitéit | Däitschland |
| Aktivitéit | Astronom, Jurist |
 | |
Mat Hëllef vum Bayer huet de Schiller a sengem Doudesjoer 1627 de Stärenatlas Coelum Stellatum Christianum publizéiert. D'Wierk war en Experiment, fir e „chrëschtleche“ Stärekatalog opzestellen, an deem geleefeg Stärebiller ëmbenannt a mat Figuren aus der chrëschtlecher Iwwerliwerung duergestallt goufen. An der Reegel sinn dora Figuren a Symboler vum neien Testament nërdlech vun der Ekliptik a vum alen Testament südlech dovun, wärend d'Ekliptikstärebiller vun den 12 Déierekreeszeechen duerch déi 12 Apostel ersat goufen.
De Stärekatalog gëllt als Kuriosum an hat, am Géigesaz zu dem Bayer senger Uranometria, ni eng grouss Bedeitung kritt. Anescht wéi de Bayer huet de Schiller de Stärenhimmel säiteverkéiert duergestallt, also aus der Siicht vu Gott op d'Firmament a Richtung zu der Äerd. Dës Duerstellung stëmmt iwwerenee mat der Traditioun vun den Himmelsgloben. Déi Stärebiller vum Schiller goufen nëmmen an engem Wierk, dem kënschtlereschen Atlas Harmonia Macrocosmica vum Andreas Cellarius am Joer 1661 opgegraff.
Op dem Äerdmound ass e Krater nom Julius Schiller genannt.
|
|
||
| Titelblat vum Coelum Stellatum Christianum |
De Schiller huet den hellege Jousef amplaz vum Orion gesat |
||
|
| ||
| Adaptatioun vum Schiller sengem chrëschtleche Firmament | Déi chrëschtlech Stärebiller ëm den Fréijoerspunkt |
Um Spaweck
änneren- (de) https://web.archive.org/web/20090106054933/http://www.lindahall.org/services/digital/ebooks/schiller/ Schiller: Atlas mat de chrëschtleche Konstellatioune vu 1627
| Commons: Julius Schiller – Biller, Videoen oder Audiodateien |
