James Cronin

Den James Watson Cronin, gebuer den 29. September 1931 zu Chicago, a gestuerwen de 25. August 2016 zu Saint Paul, am Minnesota, war en US-amerikanesche Physiker an Nobelpräisdréier.

James Cronin
Gebuer	29. September 1931 Chicago
Gestuerwen	25. August 2016 Saint Paul
Nationalitéit	USA
Educatioun	University of Chicago
Aktivitéit	Physiker, Universitéitsprofesser
Member vun	Royal Society, Accademia Nazionale dei Lincei, National Academy of Sciences, American Academy of Arts and Sciences, Russesch Akademie vun de Wëssenschaften, American Physical Society

Hien huet op der University of Chicago, promovéiert, wou en 1971 Professer gouf. Virdrun huet hien, vun 1958 bis 1971 op der Universitéit Princeton enseignéiert.

Dem Cronin säi Fuerschungsgebitt war den Zerfall vun Hyperonen an d'produzéiere vu Myon. Hien huet déi Total Wierkungssektioun vun der Pion-Proton-Verspreedung bestëmmt an d'Fonkekummer vervollstännegt.

Méi spéit huet hien de Cronin-Effekt erfuerscht, an och, am Pierre-Auger-Observatorium, déi kosmesch Stralung.

Hie war zënter 1967 Member vun der American Academy of Arts and Sciences an zënter 1970 vun der National Academy of Sciences. 1980 krut de Cronin zesumme mam Val Fitch de Physik-Nobelpräis.

Um Spaweck

Commons: James Cronin – Biller, Videoen oder Audiodateien