Inglourious Basterds
Inglourious Basterds ass e kontrafaktesche Krichsfilm vum Quentin Tarantino aus dem Joer 2009, deen an der Tëschenzäit zu sengem finanziell erfollegräichste Film gouf.
 | |
| Film | |
|---|---|
| Produktiounsland |
Däitschland, Vereenegt Staate vun Amerika |
| Produktiounsjoer | 2009 |
| Première | 20. Mee 2009 |
| Dauer | 153 min |
| Faarf | Faarweg |
| Originalsprooch |
Englesch Franséisch Däitsch Italieenesch |
| Ekipp | |
| Regie | Quentin Tarantino |
| Dréibuch | Quentin Tarantino |
| Fotografie | Robert Richardson |
| Musek | Ennio Morricone a vill anerer |
| Produzent | Lawrence Bender |
| Produktiouns- gesellschaft |
The Weinstein Company, Universal Studios, Studio Babelsberg |
| Schauspiller | |
|
Brad Pitt als Lt. Aldo Raine Mélanie Laurent als Shosanna Dreyfus Christoph Waltz als SS-Standartenführer Hans Landa Michael Fassbender als Lt. Archie Hicox Eli Roth als Sgt. Donny Donowitz Diane Kruger als Bridget von Hammersmark Daniel Brühl als Fredrick Zoller Til Schweiger als Feldwebel Hugo Stiglitz | |
Filmportal - Filmer no Joren - Film no Länner - Film no Genre  | |
Déi falsch englesch Schreifweis vum Filmtitel ass eng Variatioun vum Enzo Castellari sengem Film Quel maledetto treno blindato (am Engleschen The Inglorious Bastards), deen dem Tarantino als Inspiratioun gedéngt huet.
Ëm wat geet et am Film?
ännerenE jiddesche Spezialkommando am Zweete Weltkrich huet hanner de feindleche Linnen als eenzegt Zil, souvill Nazien ëmzebrénge wéi méiglech a se dann ze skalpéieren. A wa se ausnamsweis een um Liewe loossen, da rëtze se him en Hakekräiz an d'Stir fir datt e spéider ni soe kann, e wier keen Nazi gewiescht. Zwar weist den Tarantino e puer eenzel Beispillszeene wéi d'Basterds agéieren, mä dorëms geet et an der Haaptsaach guer net.
De Film ass, a Kapitelen opgedeelt, eng Revanchephantasie, déi sech weeder ëm historesch Fakten nach ëm d'Komplexitéit vun der Moral këmmert, mä wou Gewalt alles léist an d'Drëtt Räich just ee Sputt ewech ass vun enger cartoonhafter Defaite, well fir de Regisseur de Kino souwisou ëmmer déi besser Wierklechkeet war.
Den Ufank vum Film bleift geschloen 20 Minutte bei engem franséische Bauer a sengem Gespréich mam SS-Standarteführer Hans Landa.
Gielercher
ännerenDe Christoph Waltz huet 2010 en Oscar als Beschten Niewenacteur kritt. Hie krut och den Acteurspräis vun den 62. Filmfestspiller vu Cannes, e Golden Globe als Beschten Niewenacteur, de Screen Actors Guild Award a BAFTA Award als Beschten Niewenacteur an den däitsche Mediepräis Bambi an der Kategorie "Film International".
De Film war och nach fir siwe weider Oscaren an dräi weider Golden Globes nominéiert, grad wéi fir d'Gëlle Palm vu Cannes, mä e konnt schlussendlech kee vun deene Gielercher mat heem huelen.