iTunes

iTunes ass eng Software vun der Firma Apple, déi ee gratis ka vun hirem Site eroflueden. Si gëtt gebraucht fir digital Multimediadateien (zum Beispill Musek- oder Videodateien) op Computere mat de Betribssystemer macOS a Windows ze kafen, erofzelueden an ze organiséieren. Si kann och gebraucht gi fir Lidder vun enger CD op de Computer ze iwwerspillen oder ofzespillen

Déi éischt Versioun vun iTunes ass am Januar 2001 erauskomm.

Obwuel de Programm a senge fréiere Jore gutt ukomm war, ass e spéider méi a méi als oniwwersiichtlech a komplizéiert kritiséiert ginn. De Grond war, datt Apple mat iTunes ee Programm kreéiert hat, de progressiv ze vill Funktiounen ëmfaasst huet amplaz bei sengem urspréngleche Zweck, der Musik, ze bleiwen. Den 3. Juni 2019 huet Apple annoncéiert, datt den iTunes am Betribssystem macOS duerch separat Applikatioune géif ersat ginn, an zwar Apple Music, Apple Podcasts an Apple TV. Den Apple Finder huet d'Apparatsverwaltungsfunktionen iwwerholl. De Wiessel huet zu deem Zäitpunkt awer net Windows oder eeler macOS Versioune betraff.^[1]^[2]

Zënter Mëtt der 2010er gëtt méi Musek gestreamt wéi iwwer iTunes kaaft.^[3]^[4]