Honsréck
mëttelhéich Bierger an Däitschland
Den Honsréck ass eng Biergketten an Däitschland, an de Länner Rheinland-Pfalz a Saarland. Et si mëttelhéich Bierger déi sech vun der Saar am Südwesten tëscht der Musel an der Nahe a Richtung Nordosten bis op de Rhäin zéien. Den Erbeskopf ass mat 816 m déi héchst Kopp.
Den Honsréck gehéiert zum südwestlechen Deel vun de rhäinesche Schiferbierger an deemno zu den eelste Biergformatiounen an Däitschland, deenen hiert Gestengs haaptsächlech aus dem Devon staamt.