Helleg Walburga

Helleg Walburga
	D'Walburg op engem Bild vum Meeschter vu Meßkirch am Philadelphia Museum of Art
Titel
Titel	Äbtissin
Biographie
Gebuer	710 jul.; Crediton
Gestuerwen	25. Februar 779 jul.; Heidenheim
Papp	Richard vun England
Mamm	Wunna
Geschwëster	Wunibald, Willibald vun Eichstätt
Aktivitéit	Hegumenos
Aner Informatiounen
Reliéisen Uerden	Benediktiner
Statut	Hellegen
Gedenkdag	25. Februar

D'Walburga oder Walpurgis, och nach als Helleg Walburga / Walpurgis bekannt, gebuer 710 zu Devonshire, Wessex, an England a gestuerwen de 25. Februar 779 zu Heidenheim war d'Duechter vum Kinnek Richard vun England („Richard de Pilgerer“, deen 1150 helleggesprach gouf) an der helleger Wunna. Hir Bridder waren de Willibald an de Wunibald (oder Winebald).

Biographie

Si war Schülerin vun der helleger Tatta, enger Märtyrerin, am Wimborne Monastery zu Dorset. 748 n. Chr. ass si vum Hellege Bonifatius, dem Brudder vun hirer Mamm, als Missionarin an Däitschland geruff ginn an huet als Nonn am Klouschter Tauberbischofsheim gelieft.

Mat 3 Éie soll si e Kand virum Hongerdoud gerett hunn; um Wee bei d'krank Duechter vun engem Buerghär soll si vun Hënn ugegraff gi sinn, déi si awer mat Rou gelooss hunn, nodeem se de Kniechten déi hir zu Hëllef komme wollten, zougeruff huet, si géif ënner dem Schutz vu Jesus Christus stoen.

761 n. Chr. ass d'Walburga Äbtissin vum Benediktiner-Klouschter Heidenheim op der Brenz a Franke ginn, dat de Wunibald 751 gestëft hat. Si huet d'Männerklouschter mat engem Fraeklouschter erweidert.

De 25. Februar 779 ass si gestuerwen an am Klouschter bäigesat ginn. 100 Joer méi spéit sinn der Walpurga hir Reliquien an d'St.-Walburg-Kierch op Eichstätt komm.

D'Walburga ass vum Poopst Hadrian II. een 1. Mee gutt 100 Joer no hirem Doud helleggesprach ginn.

Veréierung

Am Mëttelalter war der Walburga hire Festdag den Dag vun hirer Hellegspriechung (den 1. Mee); hautdesdaags ass et gemenkerhand de 25. Februar; absënns an England ass et awer nach den 1. Mee.

Si ass d'Patréinesch:

géint Houscht
géint Honger
géint Ploen
géint Stierm
géint Hondsbëss
géint Tollwut
vun de Schëffer
vum Karschnatz
vun der Stad Antwerpen an der Belsch
vun der Stad Oudenarde an der Belsch
vun der Stad Gronigen an Holland
vun der Stad Zutphen an Holland
Zu Conter ass si fir Heelung bei Aenleiden ugeruff ginn

Duerstellungen

Als Äbtissin mat 3 Éien
Als Äbtissin mat Engelen déi eng Kroun iwwer si halen
Als Äbtissin am Stammbam vun de Kinneke vun England
Nieft hirem Graf dat en Ueleg ofsonnere soll
Mat enger Phioul Ueleg
Als kinneklech Äbtissin mat enger klenger Fläsch Ueleg an engem Buch
Mat engem Zepter, enger Kroun
Mat hire Bridder, dem hellege Willibald an dem hellege Wunibald

Verschiddenes

Drëpsen déi hir Grafplack vun Zäit zu Zäit ofsonnert erginn deen a Fläschen ofgefëlltenen heelkräftege "Walpurgisueleg"
Walpurgiskraut (Hypericum) ass eng Bléieplanz déi op den Heedewisen an dréchene Grashiwwele wiisst. Et gëtt nieft Mëllechkane geluecht a soll géint d'Verhexung vun der Mëllech schützen a fir räich Ram suergen. Op Brout verfiddert soll et d'Fruchtbarkeet vun de Ranner steigeren.
De Brauchtem vun der Walpurgisnuecht huet u sech näischt mat der helleger Walburga ze dinn. Den Numm kënnt dohier datt Beltane, respektiv den Hexesabbat an der d'Nuecht vum 30. Abrëll op den 1. Mee, dee jo den Dag vun der helleger Walpurga ass, gefeiert ginn ass.

Kuckt och

Um Spaweck

Commons: Helleg Walburga – Biller, Videoen oder Audiodateien