Hänkbréck vu Bourg-Saint-Andéol

D'Hänkbréck vu Bourg-Saint-Andéol war eng Bréck an der Ardèche an an der Drôme iwwer de Rhône.

Hänkbréck vu Bourg-Saint-Andéol
Informatiounen
Land	Frankräich
Plaz	Bourg-Saint-Andéol Pierrelatte
Geographesch Lag	44° 22’ 09.80’’ N       04° 38’ 56.38’’ O
Längt	261,50 m.
Breet	5,50 m.
Archtitekten & Ingenieuren	Bruno Plagniol Marc Seguin & Bridder
Typ	Hänkbréck
Material	Stol / Hasteng / Holz
Baujoer	1830
Zertstéiert	15. August 1944
Restauréiert	1945
Ofgerappt	1971
Kategorien
Brécken a Frankräich • Hänkbrécken

Si huet Bourg-Saint-Andéol an der Ardèche mat Pierrelatte an der Drôme verbonnen.

Geschicht

De Bréckebau geet op eng Autorisatioun vum 4. Abrëll 1828 zeréck. Den Zouschlag fir de Bau war mat enger Exploitatiounskonzessioun op 99 Joer verbonnen. D'Käschte waren op 180.000 franséisch Frang geschat ginn an et gouf eng Subventioun vu ronn 65.000 Frang. De 27. Abrëll 1830 ass d'Bréck fir de Verkéier opgaangen. Bei engem Bombardement vun den Alliéierten de 15. August 1944 waren zwee Felder vun der Bréck zerstéiert ginn. 1945 gouf d'Bréck provisoresch gefléckt, war awer ëmmer an engem schlechten Zoustand. 1971 gouf eng nei Bréck gebaut an d'Hänkbréck gouf ewechgerappt.

Technesches

D'Bréck war eng Hänkbréck déi a stole Kabelen houng. Se hat dräi Felder mat de Spanwäiten 88,90 - 85,70 a 87,00 m. D'Pilieren, déi mat Hasteng gebaut waren, haten d'Form vu monumentale Béi. Et stoung een op all Kapp, an zwéin am Floss. Den Tablier huet aus Eisendunne bestanen, an d'Fuerbunn déi 4,50 Meter breet war, war mat Holz gedeckt. Op all Säit war en Trottoir vun engem hallwe Meter breet.

Bibliographie

• Grattesat, Guy (dir.). Ponts de France. Paris: Presses de l'École nationale des Ponts et Chaussées, 1982 p. 122
• Kirchner, R. Quelques réflexions sur la construction des ponts du Rhône français. Les Études rhodaniennes, 1948, vol. 23, n° 1-2, p. 5-13 p. 7
• Marrey, Bernard. Les ponts modernes 18e-19e siècles. [Paris]: Picard Éditeur, 1990 p. 135

Quellen

• Patrimoine Rhône-Alpes