Guy Binsfeld
De Guy Binsfeld, gestuerwen den 19. Mäerz 2014 am Alter vu 77 Joer[1], war e Lëtzebuerger Editeur a Journalist.
| Guy Binsfeld | |
|---|---|
| Gestuerwen | 19. Mäerz 2014 |
| Aktivitéit | Journalist |
 | |
Vun 1960 bis 1964 war hie Journalist beim Lëtzebuerger Journal. Duerno huet hien zesumme mam Léo Reuter Interpublicité (haut: Interpub) gegrënnt, eng vun den éischte Publicitéitsangencen zu Lëtzebuerg. 1976 huet hie fir zwee Joer e Congé sans solde geholl, fir d'weltwäit Kampagne vun Amnesty International ze leeden. 1979 war hie Grënner vun den Éditions Guy Binsfeld a vun der Kommunikatiounsagence Idées et Actions, déi 1989 a Binsfeld Conseils ëmgenannt gouf.[2]
Dat éischt Buch vu sengem neie Verlag, e Fotoband iwwer Lëtzebuerg, war e gellege Succès: Am ganze 50.000 Exemplairë goufen dovu verkaf. Och den ephemere Lëtzebuerger Almanach koum a sengem Verlag eraus.[2]
Referenzen
änneren- ↑ "Verleger Guy Binsfeld gestorben." wort.lu, 19.03.14 18:17.
- ↑ 2,0 2,1 "Guy Binsfeld est décédé." paperjam.lu, 19.03.2014 18:34.