Grönlandhond

Grönlandhond
FCI - Standard Nr. 274
Hierkonft	Kanada
Klassifikatioun FCI	Grupp 5 Sektioun 1
Faarwen
Héicht um Genéck	Ridd: > 60 cm Mudder: > 55 cm
Gewiicht	net festgeluecht
Lëscht vun den Hondsrassen

De Grönlandhond ass eng Hondsrass aus Grönland, déi vun der FCI ënnert der Klassifizéierung Gr. 5, Sek. 1, Standard-Nummer 274 gefouert gëtt. D'Rass zielt zu de Polarhënn dee sech duerch seng Kraaft, Zéiegkeet an Ausdauer charakteriséiert.

Grönlandhënn zéien e Schlitt zu Kulusuk, Grönland.

De Grönlandhond gehéiert zu den eelsten Hondsrassen. Fir d'Inuit war en iwwerliewenswichteg, gouf vun hinne scho säit Joerhonnerten als Transport- a Juegdhond, an och alt emol a schlechten Zäiten als Iessensreserv, gebraucht.

D'Grönlandhënn koumen och bei munneche Polarexpeeditioune vu westleche Fuerscher als Schlittenhënn zum Asaz, wéi beim Robert Edwin Peary oder de Roald Amundsen.

Grönlandhënn ginn iwwer 60 cm grouss an hunn en duebele Pelz: eng dicht a mëll Ënnerwoll, an dicht, glat a graff Deckhoer. Dës kënne verschidde Faarwen hunn.

D'Ouere si kleng, dräieckeg, mat ronne Spëtzten a sti stramm an d'Luucht. Den décken, buuschtege Schwanz steet no uewen an ass am Bou iwwer dem Réck gekrëmmt.

Um Spaweck

Commons: Grönlandhond – Biller, Videoen oder Audiodateien